Wantete wa Tusansu

20 Muna lubantiku lwa mvu,* muna ntangwa ina atinu bavaikanga muna vita, Yoabe+ onete makesa kimana kenda nuanisa e nsi ya Aneyamone yo tufakesa yo; ozietele Raba,+ vo i Davidi okedi kuna Yerusaleme.+ Yoabe onuanisi Raba, ofwasidi yo.+ 2 Davidi okatwidi kolowa kuna ntu a Malekame,* ina yakala ye zitu dia talanta imosi* ya wolo, kumosi ye matadi ma ntalu; ivuikilu vana ntu a Davidi. Obakidi mpe sanzu diayingi muna mbanza.+ 3 Obakidi nkangu wakala mo, ubasidi muna salu+ kia wula matadi yo sadila salanganu ya sengwa yatuá ye masoka.* I wau wuwu kavanga Davidi muna mbanza zawonso za Aneyamone. I bosi, Davidi yo makesa mawonso bavutukidi kuna Yerusaleme.

4 I bosi, vakedi e vita vana vena Aneyisaele ye Afelesetia kuna Ngeze. Muna ntangwa yayina, Sibekai+ wa musi Kusa ovondele Sipai wa mwan’a Anerefa,+ Afelesetia basakidikwa.

5 Vakedi diaka e vita vana vena Aneyisaele ye Afelesetia, Elekanane wa mwan’a Yare ovondele Lakemi wa mpangi a Ngoleyate+ wa Ngati, o mvini a dionga diandi wakala nze nti wa akubi a nlele.+

6 Vakedi diaka e vita kuna Ngati,+ kuna kwakala muntu wa ntel’andá,+ wakala ye nlembo 6 muna konso koko ye nlembo 6 muna konso kulu, miawonso nlembo 24; yandi mpe mwan’a Anerefa.+ 7 Wau katiangunanga+ Isaele, o Yonatane wa mwan’a Sima+ wa mpangi a Davidi, umvondele.

8 Awaya i Anerefa+ kuna Ngati,+ ana bavondwa kwa Davidi ye ntaudi zandi.