Wantete wa Tusansu

24 Eyayi i buka ya salu ya wan’a Arone: Wan’a Arone: Nadabi, Abiu,+ Elaza yo Itama.+ 2 Kansi, Nadabi yo Abiu bafwa vitila se diau,+ ke bawuta wana ko; Elaza+ yo Itama bakwamanana se anganga. 3 Davidi yo Sadoke+ muna wan’a Elaza yo Akimeleke muna wan’a Itama, ubavambwidi muna kinkengi kia salu yau. 4 Wau vo ayingi bavitanga o ntu muna wan’a Elaza, ke mu wan’a Itama ko, mpila eyi bavambulwilwa: Muna wan’a Elaza ntu 16 mia nzo za mase mau, muna wan’a Itama ntu 8 mia nzo za mase mau.

5 Babavambwidi muna ntew’a nkas’a mienze,+ e buka yau yole, kadi muna wan’a Elaza yo muna wan’a Itama mwakala akuluntu a nzo avauka ye akuluntu basadilanga Nzambi aludi. 6 Muna kuma kiaki, Semaya wa mwan’a Netanele wa nsoneki a Anelevi, osonekene nkumbu zau vana vena ntinu, akuluntu, Sadoke+ wa nganga, Akimeleke+ wa mwan’a Abiata+ ye nkumbu za ntu mia nzo za mase ma anganga ye Anelevi, nzo mosi a mase ya Elaza ye nzo mosi a mase ya Itama isolelo.

7 E nkas’a mienze yantete ibwididi kwa Yoyaribe; yanzole kwa Yedaya, 8 yantatu kwa Karimi, ya nyá kwa Seoreme, 9 yantanu kwa Malekiya, yansambanu kwa Miyamini, 10 yansambwadi kwa Akose, yanana kwa Abiya,+ 11 yavua kwa Yesua, ya 10 kwa Sekaneya, 12 ya 11 kwa Eleyasibe, ya 12 kwa Yakimi, 13 ya 13 kwa Kupa, ya 14 kwa Yesebabe, 14 ya 15 kwa Bilenga, ya 16 kwa Ime, 15 ya 17 kwa Kezi, ya 18 kwa Apisese, 16 ya 19 kwa Petakeya, ya 20 kwa Yekezekele, 17 ya 21 kwa Yakini, ya 22 kwa Ngamule, 18 ya 23 kwa Delaya, ya 24 kwa Mazeya.

19 Eyayi i ndandani au a salu+ kia kota muna nzo a Yave nze una kasikidisa Arone wa se diau, wauna Yave wa Nzambi a Isaele kankanikina.

20 Anelevi ana basala: muna wan’a Amerame,+ Subaele;+ muna wan’a Subaele, Yekedaya; 21 muna Rekabeya:+ wan’a Rebakeya, Yisiya i ntu; 22 muna wan’a Yisa, Selomote;+ muna wan’a Selomote, Yakati; 23 muna wan’a Keberone, Yereya+ i ntu, Amareya wanzole, Yakaziele wantatu, Yekamame wa nyá; 24 muna wan’a Uziele, Mika, muna wan’a Mika, Sami. 25 Mpangi a Mika, Yisiya; muna wan’a Yisiya, Zakariya.

26 O wan’a Merare:+ Makele yo Musi; muna wan’a Yazia, Beno. 27 O wan’a Merare: Yazia, Beno, Soame, Zaku yo Ibere; 28 muna Makele, Elaza ona kawuta wan’amakala ko;+ 29 muna Kisi: wan’a Kisi, Yerakemele; 30 o wan’a Musi: Makele, Ede yo Yerimote.

Awaya i Anelevi muna nzo za mase mau. 31 Yau mpe batele nkas’a mienze+ nze una bavanga mpangi zau wan’a Arone vana vena Davidi wa Ntinu, Sadoke, Akimeleke ye ntu mia nzo za mase ye anganga yo Anelevi. Muna nzo za mase, o ntu mpila mosi kabadikilwanga yo nleke.