Yosua

14 Ediadi i vua batambula+ Aneyisaele muna nsi a Kenani, dina diabavana Elaza wa nganga yo Yosua wa mwan’a Nuni ye ntu mia nzo za mase ma makanda ma Isaele. 2 E vua diau diakayaneswa kwa makanda vua ye bula-kati kwa kanda+ muna ntew’a nkas’a mienze+ wauna Yave kakanikina muna Mose. 3 Mose wavana e vua kwa makanda mole ye bula-kati kuna simu dia* Yodani,+ kansi Anelevi kabavana vua ko.+ 4 Wan’a Yosefe bavambulwa mu makanda mole,+ Manase yo Eferaime;+ Anelevi ke bavewa kunku ko muna nsi, nanga mavata kaka+ makala ye yana mu kuma kia twelezi yau ye lekwa yau.+ 5 Aneyisaele bakayanene e nsi, wauna Yave kakanikina Mose.

6 Wan’a Yuda bele kwa Yosua muna Ngilengale,+ o Kalebe+ wa mwan’a Yefune wa Nkenazi umvovese vo: “Otomene dio zaya dina Yave kavovesa+ Mose wa muntu a Nzambi aludi,+ edi dia mono yo ngeye kuna Kadese-banea.+ 7 Mvu 40 yakala miau vava Mose wa selo kia Yave kantuma tuka kuna Kadese-banea ngienda langa e nsi,+ yantwasila nsangu za lukasakeso ye ziku.*+ 8 Kanele vo mpangi zame ana bayenda yame bayoyesa nkangu,* kansi mono yalanda Yave wa Nzambi ame ye ntima wawonso.+ 9 Muna lumbu kiakina, Mose odidi ndofi, oku vo: ‘E nsi ina idiete tambi yaku, ikala se vua kwa ngeye ye kwa wan’aku yakwele mvu, kadi olende Yave wa Nzambi ame ye ntim’aku wawonso.’+ 10 Nze una kasia o nsilu,+ Yave oyambwidi vo yazinga+ mvu 45 miami tuka Yave kasila nsilu wau kwa Mose vava Isaele kavumvulanga muna makanga;+ o unu kiaki mvu 85 se ngina miau. 11 Yamu unu kiaki, ngina ye ngolo nze muna lumbu kantuma o Mose. Nze una yakala muna ntangwa yayina, yakinu ye ngolo za nuana yo sala salu yakaka. 12 Ozevo, umpana zunga kiaki kia miongo kina Yave kansila o nsilu e lumbu kiakina. Kadi e lumbu kiakina wawá wo vo Aneyanaki+ bena ko ye mavata mampwena mazungwa e yaka,+ ngina ye ziku vo Yave okala yame,+ ikubayinga nze una Yave kasia o nsilu.”+

13 Yosua unsambwidi, ovene Kerebone kwa Kalebe wa mwan’a Yefune se vua diandi.+ 14 I dianu vo Kerebone ikedi se vua dia Kalebe wa mwan’a Yefune wa Nkenazi yamu unu kiaki, kadi walanda Yave wa Nzambi a Isaele ye nsi a ntima wawonso.+ 15 Entete Kerebone yayikilwanga vo Kireyate-araba+ (Araba i wasunda Aneyanaki awonso o nkuma). E nsi ivuvamene muna vita.+