Yosua

15 E kunku kia nsi kiavewa+ kwa kanda dia Yuda mun’owu wa vumu yau kialuaka yakuna mwingilu a Edome,+ yakuna makanga ma Zini, kuna nsuk’a sude ya Nengebe. 2 E mwingilu a sude wayantikila kuna nsuk’a Mbu a Mungwa*+ yakuna nsuvila italanini ye sude. 3 Wayenda kuna sude yakuna ntombok’a Akerabimi,+ uviokele yaku Zini yo tomboka kuna sude yakuna Kadese-banea.+ Uviokele kuna Keserone, utombokele kuna Adare yo viluka kuna Karoka. 4 I bosi, uviokele kuna Asemone,+ wele vaika yakuna Ndimb’a Engipito,+ e mwingilu usukidi muna Mbu.* Owau i mwingilu au kuna sude.

5 E mwingilu kuna este i Mbu a Mungwa,* utombokele yakuna kwabwila Yodani. E mwingilu kuna node wayantikila kuna nsuvil’a mbu yakuna kwabwila Yodani.+ 6 E mwingilu utombokele yakuna Bete-kongela+ yo viluka kuna node ya Beta-raba,+ e mwingilu utombokele yakuna tadi dia Boane+ wa mwan’a Rubeni. 7 E mwingilu utombokele yakuna Debi kuna Ndimb’a Ako+ yo viluka kuna node yakuna Ngilengale+ ina mantalani ye ntombok’a Adumimi ina kuna ndimba kuna sude, e mwingilu uviokele kuna maza ma Ene-semese+ yo sukila kuna Ene-rongele.+ 8 E mwingilu utombokele muna ndimb’a Mwan’a Inome,+ yakuna nkulumuk’a Aneyebuse+ kuna sude, ina vo Yerusaleme,+ utombokele vana mongo utalanini ye Ndimb’a Inomi kuna weste, una kuna nsuk’a Ndimb’a Refa kuna node. 9 E mwingilu utombokele vana mongo yakuna nto za maza ma Nefetoka+ ulweke yakuna mavata ma Mongo a Eferone; e mwingilu uvulukidi kuna Bala ina vo Kireyate-yarimi.+ 10 Tuka kuna Bala uvilukidi kuna weste yakuna Mongo a Seyire, uviokele kuna nkulumuk’a Mongo a Yarimi, kuna node ina vo Kesalone, ukulumukini yakuna Bete-semese+ yo viokela kuna Timena.+ 11 E mwingilu wele muna nkulumuk’a Ekerone+ kuna node, uzietokele kuna Sikerone uviokele yakuna Mongo a Bala yo lwaka kuna Yabenele yo sukila kuna mbu.

12 E mwingilu a weste i nlambu a Mbu Anene.*+ Owau i mwingilu a zunga ya wan’a Yuda mun’owu wa vumu yau.

13 Kuna kwa Kalebe+ wa mwan’a Yefune, umvene e kunku vana vena wan’a Yuda nze una kakanikina Yave kwa Yosua, Kireyate-araba (Araba i se dia Anaki), i sia vo, Kerebone.+ 14 Muna kuma kiaki, Kalebe oyingidi mwamuna o wana tatu a Anaki:+ Sesai, Akimani yo Talemai,+ wana Anaki. 15 I bosi, tuka kwakuna Kalebe wele nuanisa esi Debi.+ (Entete Debi yayikilwanga vo Kireyate-sefe.) 16 Kalebe ovovele vo: “Ndiona ofwasa Kireyate-sefe yo baka yo, ikumvana Akesa wa mwan’ame kakala se nkaz’andi.” 17 Oteniele+ wa mwan’a Kenaze+ wa nleke a Kalebe, obakidi yo. Kalebe umvene Akesa+ wa mwan’andi kakala se nkaz’andi. 18 Vava Akesa kayendanga kuna nzo a nkaz’andi, olebele Oteniele kalomba kiana kwa se diandi. Okulumukini vana buluku.* Kalebe unyuvuidi vo: “Nki ozolele?”+ 19 Ovutwidi vo: “Dodokolo, unsambula, kadi kunku kia ntoto umpene kuna sude;* umpana mpe Ngulote-maime.”* Umvene Ngulote ya Ntandu ye Ngulote ya Yanda.

20 Ediadi i vua dia kanda dia Yuda, mun’owu wa vumu yau.

21 E mbanza za kanda dia Yuda zina kuna sude, muna mwingilu ye Edome,+ i zazi: Kabisele, Ede ye Yangu, 22 Kina, Dimona, Adada, 23 Kedese, Kaso, Yitenani, 24 Zifi, Teleme, Balote, 25 Kaso-adata, ye Keriote-keserone, i sia vo, Kaso, 26 Amami, Sema, Molada,+ 27 Kasangada, Kesemone, Bete-pelete,+ 28 Kaza-suale, Bere-seba,+ Bizeyoteya, 29 Bala, Yimi, Eseme, 30 Eletolade, Kesile, Korema,+ 31 Sikelange,+ Mademana, Sansana, 32 Lebote, Silekime, Aini ye Rimone+​—e mbanza zawonso 29 ye mavata mandi.

33 Ezazi i mbanza za Sefela:+ Esetaole, Sora,+ Asana, 34 Zanoka, Enganimi, Tapuka, Ename, 35 Yamute, Adulami,+ Soko, Azeka,+ 36 Saraimi,+ Aditaimi ye Ngedera ye Ngederotaimi*​—mbanza 14 ye mavata mandi.

37 Senane, Kadasa, Mingedale-ngadi, 38 Dilani, Misepa, Yoketele, 39 Lakisi,+ Bosekati, Engelone, 40 Kabone, Lakemame, Kitilisi, 41 Ngederote, Bete-dangone, Nama ye Makeda+​—⁠mbanza 16 ye mavata mandi.

42 Libena,+ Ete, Asani,+ 43 Yifeta, Asana, Nesibe, 44 Kila, Akezibe ye Maresa​—mbanza vua ye mavata mandi.

45 Ekerone ye mavata mandi* ye mpatavata; 46 tuka kuna Ekerone yakuna weste, mavata mawonso kuna ndambu a Asedode ye mpatavata.

47 Asedode+ ye mavata mandi* ye mpatavata; Ngaza+ ye mavata mandi ye mpatavata yakuna Ndimb’a Engipito, Mbu Anene* ye zunga kina vana ndambu.+

48 Muna zunga kia miongo, Sami, Yati,+ Soko, 49 Dana, Kireyate-sana i sia vo, Debi, 50 Anabi, Esetemo,+ Animi, 51 Ngosene,+ Kolone, Ngilo+—mbanza 11 ye mavata mandi.

52 Arabe, Duma, Esani, 53 Yanimi, Bete-tapuka, Afeka, 54 Kumeta, Kireyate-araba, ina vo, Keberone+ ye Zini​—mbanza vua ye mavata mandi.

55 Maone,+ Kamele, Zifi,+ Yuta, 56 Yizerele, Yokedame, Zanoka, 57 Kaini, Ngibeya, ye Timena+​—mbanza kumi ye mavata mandi.

58 Kalekulu, Bete-zuro, Ngedo, 59 Marati, Beta-note ye Eletekone—mbanza sambanu ye mavata mandi.

60 Kireyate-bale, i sia vo, Kireyate-yarimi+ ye Raba​—mbanza zole ye mavata mandi.

61 Muna makanga, Beta-raba,+ Midini, Sekaka, 62 Nibesani, Mbanz’a Mungwa ye Engedi+—mbanza sambanu ye mavata mandi.

63 Vo i Aneyebuse+ ana bazingilanga muna Yerusaleme,+ o wan’a Yuda ke balenda kubayinga ko,+ kiaki i kuma Aneyebuse bezingilanga vamosi yo nkangu a Yuda muna Yerusaleme yamu unu kiaki.