Wantete wa Yoane
4 Azolwa, ke nukwikila muna mambu mawonso mavumunuinua ko,*+ kansi nufimpa mambu mavumunuinua* muna zaya kana vo ma Nzambi,+ kadi ngunza zayingi zaluvunu zivaikidi mu nza.+
2 I wau wuwu nuzayila mambu mavumunuinua kana vo mambu ma Nzambi: Konso diambu diavumunuinua disonganga vo Yesu Kristu mu nitu kayizila, kwa Nzambi diatuka.+ 3 Kansi mambu mawonso mavumunuinua malembi songanga e ziku kia Yesu, ke ma Nzambi ko.+ Vana ntandu, mama i mambu ma antikristu mavumunuinua, mana nuawa vo kwiza mekwiza,+ owau mu nza se mena.+
4 E wan’ame anzolwa, yeno nuatuka kwa Nzambi, nubasundidi,+ e kuma kadi ndiona una yeno entwadi+ osundidi ke mu ndiona una entwadi ye nza ko.+ 5 Oyau i wantu a nza;+ kiaki i kuma bevovelanga mambu ma nza, e nza mpe ikubawanga.+ 6 Oyeto tu wantu a Nzambi. Konso ona ozeye Nzambi okutuwanga;+ konso ona una vo ke muntu a Nzambi ko ke kutuwanga ko.+ I wau wuwu tuzayidi e nswaswani muna mambu mavumunuinua maludi ye mambu mavumunuinua maluvunu.+
7 Azolwa, yambula twakwamanana zolana,+ kadi o zola kwa Nzambi kwatuka, konso ona ozolanga, kwa Nzambi kawutwa, ozeye mpe Nzambi.+ 8 Ndiona olembi zolanga kazeye Nzambi ko, kadi Nzambi i zola.+ 9 Muna mpila yayi kwasengomokena o zola kwa Nzambi mu yeto, o Nzambi watuma Mwan’andi mosi kaka+ ova nza kimana twavuila moyo muna yandi.+ 10 I kwau kuku o zola, ke yeto ko twazola Nzambi, kansi yandi watuzola yo tuma Mwan’andi se kimenga+ kia masumu meto muna vutulwisa e ngwizani yo Nzambi.+
11 Azolwa, avo i wau o Nzambi katuzolela, ozevo, oyeto mpe tufwete zolananga.+ 12 Ke vena nkutu muntu ko wamona Nzambi.+ Avo tuzolananga, Nzambi okala kaka mu yeto, o zola kwandi mpe kuwokela mu yeto.+ 13 I wau wuwu tuzayidi wo vo tuna yandi entwadi, oyandi mpe una yeto entwadi, kadi utuvene mwand’andi. 14 Vana ntandu, yeto kibeni twamona yo sia kimbangi vo Se watuma Mwan’andi se mvuluzi a nza.+ 15 Konso ona otambulwila vo Yesu i Mwan’a Nzambi,+ o Nzambi okala yandi entwadi, oyandi mpe okala e ntwadi yo Nzambi.+ 16 Oyeto tuzeye yo kwikila e nzola ina Nzambi kena yau kwa yeto.+
Nzambi i zola,+ ndiona una muna zola, una entwadi yo Nzambi, o Nzambi mpe una yandi entwadi.+ 17 I wau wuwu o zola kuzikukidi mu yeto, kimana twakala ye unkabu wavova+ muna lumbu kia lufundisu, kadi wauna oyandi kenena, i una mpe yeto twinina mu nza yayi. 18 Muna zola ke mwina wonga ko,+ kansi o zola kwazikuka wonga kukatulanga, kadi o wonga sima ukutusimanga. Dianu vo, o nkwa wonga ke zikukanga muna zola ko.+ 19 Oyeto tuzolanga, kadi yandi wateka kutuzola.+
20 Avo muntu ovovele vo: “Nzambi izolanga,” kansi omenganga mpangi andi, nkwa luvunu.+ Kadi ndiona olembi zolanga mpangi andi ona kemonanga,+ kalendi zola Nzambi ko ona ke monanga ko.+ 21 I wau wuwu o nkanikinu katuvana, konso ona ozolanga Nzambi, kafwete zolanga mpe mpangi andi.+