Yesaya
2 Umena kikilu e mvuma;+
Uyangalala yo kaza ye kiese.
Wantu bemona o nkembo a Yave, o wete wa Nzambi eto.
3 Nukumika o moko mayovoka,
Nusiamisa makungunu mezakamanga.+
4 Nuzayisa awana batelameno ntima vo:
“Nukumama. Ke numoni wonga ko.
Tala! O Nzambi eno okwiza landa e nkunda,
Nzambi okwiza senda.+
Oyandi okwiza ye okunuvuluza.”+
Kadi o maza mefwamfumuka muna makanga,
E nkoko muna nzanza.
7 O ntoto ayuma ukituka se yanga dia maza diazala ye mabu,
O ntoto ayuma ukituka se nto za maza.+
Muna fulu ina ivundilanga e mbulu,+
Mukala ye titi yankunzu, matutu ye mawu.
O muntu afunzuka ke diatila mo ko.+
Ikala kaka se ya ndiona okangalelanga muna nzila;
O zowa ke vumvulwila mo ko.
9 Omwamuna ke mukala nkosi ko,
Ke muviokela kana bulu kimosi kiansisi ko.
10 Awana bekûlwa kwa Yave bevutuka+ yo kwiza kuna Zione ye kazu kiakiese.+
E kiese kiakwele mvu kikala se kolowa vana ntu miau.+
Beyangalala yo mona e kiese,
E ntantu ye bumu kifokoka.+