Yika Mambu Metunta e Sungididi kia Wantu

Adieyi Yesu Kavanga?

VIDEO: Yesu yo Nkento Mosi Vana Sima

1. Tala e VIDEO yovo tanga Yoane 4:6-9. I bosi, vana e mvutu za yuvu ilende:

1. Nkia diambu Yesu kasia e sungididi kwa nkento vitila kayantika e moko?

2. Yesu wavova vo: “Umpana maza yanua.” Ekuma e mpila yayi yakadila yambote muna yantika e moko?

Adieyi Tulongokele Muna Mbandu a Yesu?

2. Avo tuyantikidi e moko muna diambu dilenda tunta e sungididi kia muntu, tukala ye mbokena zambote.

Tanginina Yesu

3. Sobanga e moko. Venga e fu kia yantikilanga kaka e moko muna ntu a diambu okubikidi. Yantikila e moko muna yika diambu dina o wantu bena toma mokenena. Ukiyuvula:

1. ‘Nkia nsangu zina toma vovelwa muna televizau yovo rádio?’

2. ‘Nkia diambu e mfinangani zame, akwame a salu yovo a sikola bena toma vovela?’

4. Toma sadilanga e meso. Ukiyuvula:

1. ‘Nkia salu o muntu kena sala? Nkia mambu kena yindula?’

2. ‘E mpila o muntu kavuatidi, mpw’andi yovo nzo andi, adieyi isonganga mu kuma kia mana kekwikilanga yovo fu yandi ya kisi nsi?’

3. ‘Nga e yayi i ntangwa yambote ya mokena yo muntu?’

5. Toma winikinanga.

1. Kuvovi kwayingi ko.

2. Kasakesa o muntu kasonga e ngindu zandi. Avo dilendakana, vanga e yuvu.