MPILA YA YANTIKILA E MOKO
LONGI DIA 2
Yambula e Moko Kiakwamanana mu Mpila Yambote
Nkanikinu: “Ekwe wete e diambu divovelo muna ntangw’ambote!”—Nga. 15:23.
Adieyi Filipo Kavanga?
1. Tala e VIDEO yovo tanga Mavangu 8:30, 31. I bosi, vana e mvutu za yuvu ilende:
Aweyi Filipo kayantikila e moko?
Ekuma e mpila kayantikila e moko yakadila yambote mu longa e diambu diampa kwa muntu ndioyo?
Adieyi Tulongokele Muna Mbandu a Filipo?
2. Avo tuyambwidi vo e moko kia kwamanana mu mpila yambote, diasazu dikala kwa muntu mu kala wavuvama yo wa e nsangu zeto.
Tanginina Filipo
3. Toma sadilanga e meso. E sinsu o muntu kevanganga muna nitu ye vana ndose andi, ilenda kutusadisa mu zaya kana vo una yo luzolo lwa mokena yeto yovo ve. Olenda yantikila e moko muna vova vo, “Nga ozeye wo vo . . . ?” Avo muntu kazolele mokena ko, kunkomekena ko.
4. Kala yo luzindalalu. Kuyindula ko vo ofwete zayisa e ludi kina muna Bibila kwa muntu vana vau. Vingila ntangwa yambote mu vanga wo. Ezak’e ntangwa divava vo wavingila lumbu kiankaka o mokena yo muntu.
5. Sobanga e moko. O muntu olenda vovela nkutu e diambu dina kuyindwidi ko. Ozevo, olenda yika diambu dina vo diamfunu kwa muntu, kana nkutu vo ke diau ko okubikidi.