Tutomesa e Ndekwa Zeto Muna Salu kia Umbangi—Yantika e Moko Kilenda Ziula e Nzila mu Sila Umbangi

Yesu walenda sila umbangi kuna kinsalukisa kwa nkento a Nsamaria muna yantika mokena yandi. Aweyi tulenda tomesena ndekwa zeto muna yantika e moko ye nzenza?

• Songanga e ngemba, mokenanga yo wantu. Kana una vo Yesu wayoya kakala, wayantika e moko muna lomba o maza. Muna kuma kiaki, ngeye mpe olenda yantika e moko muna kayisa o muntu, nanga olenda vovela oma ma nsungi yovo diambu divangamene. Sungamena vo e kani dieto i yantika e moko, muna kuma kiaki vovela e diambu ditunta e sungididi kia muntu. Avo muntu kasongele luzolo lwambote ko, kutokani ko. Teza mokena diaka yo muntu ankaka. Lomba unkabu kwa Yave.—Nek 2:4; Mav 4:29.

• Sianga e sungididi muna konso lau kimana wazayisa e nsangu zambote, kansi kukadinge ye nzaki ko. Yambula e moko kiavangamena mu mpila yambote. Avo okomekene o muntu, olenda yoya yo zenga e moko. Kukendalala ko avo e moko kifokokele vitila wasila muntu o umbangi. Avo wonga omonanga muna sila umbangi, yantika e moko yo muntu lembi kunsila umbangi. [Songa yo sasila oma ma video 1.]

• Vavanga konso lau mu vovela oma ma lukwikilu lwaku, ediadi dilenda fila muntu mu kulomba vo wansasila. Yesu wasadila mvovo mia nkuma, emi miafila nkento mu vanga yuvu. Vava kansamunwina e nsangu zambote, yuvu yandi kaka kavanina e mvutu. [Songa yo sasila e video 2, i bosi songa yo sasila e video 3.]