O Vema Kufilanga Muntu yo Nkw’andi mu Mavangu Mambote

E sono kia Ayibere 10:24 kikutukasakesanga mu ‘badikaziana yo palanina muna zola yo mavangu mambote.’ Tulenda kasakesa ampangi zeto muna mbandu eto ambote ye muna nkomena zeto za lukasakeso. Mokenanga mambu malukasakeso owanananga mau ye akaka muna nkutakani. Yambula akaka bamona vo okalanga ye kiese kia sadila Yave. Kuna diak’esambu, venganga e fu kia kuyitezanesa ye mpangi zaku. (Ngal. 6:4) Sadila e ngolo zaku mu kasakesa akaka mu kala yo “zola yo mavangu mambote” vana fulu kia kubakomekena bakala ye mavangu mambote. (Tala o nkanda, Beneficie-se da Escola lukaya lwa 158, tini kia 4.) Avo tusiamisa o zola muna akaka, ediadi dikubafila mu songanga mavangu mambote nze sadisa akaka yovo samuna e nsangu zambote.—2 Kor. 1:24.