Забур

 3 Төрөлөргө* таянбагыла,

Куткара албай турган адам баласына таянбагыла.+

 4 Анын деми чыгат да, өзү топуракка айланат,+

Ошол күнү ойлору ойрон болот.+

 5 Жакыптын Кудайы жардам берген,+

Жахаба Кудайынан үмүттөнгөн киши бактылуу.+

 6 Ал — асман менен жерди,

Деңизди жана алардагынын баарын жараткан,+

Дайыма ишеничтүү болгон Кудай,+

 7 Алдангандар үчүн акыйкаттыкты орноткон,

Ачка болгондорго нан берген Кудай.+

Жахаба туткундарды бошотуп жатат,+

 8 Жахаба сокурлардын көзүн ачып жатат,+

Жахаба бүк түшкөндөрдү тургузуп жатат,+

Жахаба адил адамдарды сүйөт.

 9 Жахаба келгиндерди коргоп жатат,

Жетим менен жесирди колдойт,+

Ал эми ыймансыздардын ойлогон оюн ойрон кылат*.+

10 Жахаба түбөлүккө Падыша болот,+

Оо, Сион, сенин Кудайың муундан муунга падышалык кылат.