Забур

Жетекчиге. Маскил. Дөөтүнүн ыры. Эдомдук Доек Шабулга барып, Дөөтүнүн Акимелекке+ келип кеткенин айткандан кийин жазылган.

52 Кыянат иштериңе эмнеге мактанасың, зулум*?+

Кудай туруктуу сүйүүсүн күнүгө көрсөтөрүн билбейсиңби?+

2 Тилиң устарадай курч,+

Кыянаттык кылууну ойлонуштурасың, калп сүйлөйсүң.+

3 Жакшылыкка караганда жамандыкты,

Чындыкка караганда жалган айтканды жакшы көрөсүң. (Села)

4 Тили жалган сүйлөгөн киши,

Сен адамды ойрон кыла турган сөздөрдү жакшы көрөсүң,

5 Ошон үчүн Кудай сени түбөлүккө кулатат,+

Кармап туруп, чатырыңдан сүйрөп чыгат,+

Тирүүлөр жашаган жерден тукум курут кылат.+ (Села)

6 Адил адамдар муну көрүп, кастарлоо сезимине чулганат,+

Алар сени шылдыңдап:+

7 «Бул деген Кудайды баш маанасындай* көргөн эмес,+

Ашып-ташыган байлыгына ишенген,+

Өзүнүн кыянат ойлоруна таянган»,— дешет.

8 Мен болсо Кудайдын үйүндөгү бакыйган зайтун дарагындай болом,

Кудайдын туруктуу сүйүүсүнө түбөлүктөн түбөлүккө таянам.+

9 Оо, Кудай, кылган иштериң үчүн сени түбөлүк даңктайм,+

Берилген кызматчыларыңдын алдында ысмыңа үмүт артам,+

Анткени сенин ысмың керемет*.