Марк
11 Иерусалимге, Зайтун тоосундагы Бетфагия менен Бетанияга+ жакындап калышканда, Иса эки шакиртин жөнөтүп жатып:+ 2 «Тээтиги көрүнүп турган айылга баргыла. Айылга кирериңер менен эч ким мине элек кодиктин* байланып турганын көрөсүңөр. Аны чечип, мага алып келгиле. 3 Эгер кимдир бирөө: „Муну эмнеге чечип жатасыңар?“ — десе, „Бул Мырзабызга керек. Кайра бат эле берет“,— деп айткыла»,— деди. 4 Алар барып, көчөнүн боюндагы үйдүн эшигинин алдында байланып турган кодикти таап, чече башташты.+ 5 Бирок ал жерде тургандардын айрымдары: «Кодикти эмнеге чечип жатасыңар?» — дешти. 6 Шакирттер болсо Иса айткандай жооп беришти. Ошондо тигилер аларды коё берди.
7 Шакирттер кодикти+ Исага алып келип, үстүнө сырт кийимдерин салышты. Анан Иса кодикке минди.+ 8 Көптөр жолго сырт кийимдерин төшөсө, башкалары жол боюнан жалбырактуу бутактарды кесип келип, төшөп жатышты.+ 9 Алды-артында келаткандар: «Оо, Кудай, суранабыз, муну сактай көр!+ Жахабанын атынан келатканга анын батасы тийсин!+ 10 Атабыз Дөөтүнүн жакындап келаткан Падышалыгына Кудайдын батасы тийсин!+ Асмандагы Кудай, суранабыз, муну сактай көр!» — деп кыйкырып жатышты. 11 Иса Иерусалимге келип, ибадатканага кирди. Анын ичин бүт карап чыккандан кийин, кеч кирип бараткандыктан, 12 шакирти менен Бетанияга кетти.+
12 Эртеси күнү Бетаниядан чыгышканда, Иса ачка болду.+ 13 Ал алыстан жалбырактуу анжир дарагын көрүп, мөмөсү бар бекен деп, аны көздөй басты. Бирок жанына барып, жалбырактарынан башка эчтеке тапкан жок, анткени анжир жыйнай турган маал келе элек болчу. 14 Ошондо Иса даракка: «Мындан ары сенден эч ким мөмө жебесин»,— деди.+ Муну шакирттери да укту.
15 Анан алар Иерусалимге барышты. Иса ибадатканага кирип, соодагерлер менен сатып алып жаткандардын баарын кууп чыкты. Акча алмаштыргандардын үстөлдөрүн, көгүчкөн саткандардын отургучтарын көңтөрүп салды,+ 16 ибадаткана аркылуу бир нерсе алып өтүп бараткандарды өткөрбөй койду. 17 Анан элди окутуп жатып: «Ыйык Жазмада: „Менин үйүм бардык элдер үчүн тиленүү үйү деп аталат“,— деп жазылган эмес беле?+ Силер болсо бул жерди каракчылардын уюгуна айландырып салдыңар»,— деди.+ 18 Муну уккан жогорку дин кызматчылар менен диний мыйзамдарды окуткандар аны өлтүрүүнүн жолун издей башташты,+ анткени андан коркуп жатышты. Себеби бүт эл анын окутканына аябай таасирленип, таң калып жаткан эле.+
19 Кеч киргенде, Иса менен шакирттери шаардан чыгып кетишти. 20 Алар эртең менен эрте баягы анжир дарагынын жанынан өтүп баратып анын тамырына чейин куурап калганын көрүштү.+ 21 Ошондо Петир эстей калып, Исага: «Устат, карасаң, сен каргаган анжир куурап калыптыр»,— деди.+ 22 Иса аларга: «Кудайдын кудуретине ишенгиле. 23 Силерге айтып коёюн, ким бул тоого: „Ордуңан көтөрүлүп, деңизге түш“,— десе, анан буга эч шектенбей, айтканы аткарыларына бекем ишенсе, айтканындай болот.+ 24 Ошондуктан силерге айтарым: Кудайдан эмне гана сурап тиленбегиле, сураганыңарды алгандай ишенгиле. Ошондо силерге сөзсүз берилет.+ 25 Ордуңардан туруп алып тиленип жатканыңарда, кимдир бирөөгө нааразычылыгыңар бар болсо, аны кечирип койгула. Ошондо асмандагы Атаңар да силердин күнөөлөрүңөрдү кечирет»,— деди.+ 26*——
27 Алар кайрадан Иерусалимге барышты. Иса ибадатканада жүргөндө, жогорку дин кызматчылар, диний мыйзамдарды окуткандар, аксакалдар жанына келип: 28 «Буларды кылганга кандай укугуң бар? Мындай укукту сага ким берди?» — деп сурашты.+ 29 Иса аларга: «Мен да силерге бир суроо берейин, жооп бергиле. Ошондо мага буларды кылганга ким укук бергенин айтам. 30 Жаканга элди чөмүлдүргөнгө укукту+ асмандагы Кудай бергенби же адамдарбы? Кана, жооп бергилечи»,— деди.+ 31 Ошондо алар: «Эгерде: „Кудай“,— десек, ал: „Анда эмне үчүн ага ишенген жоксуңар?“ — дейт. 32 Же: „Адамдар“,— деп айтсакпы?..» — деп өз ара сүйлөшө башташты. Бирок элден коркушту, анткени баары Жаканды пайгамбар болгон деп эсептешчү.+ 33 Анан: «Билбейбиз»,— деп жооп беришти. Ошондо Иса: «Анда мен да буларды кылганга мага ким укук бергенин айтпайм»,— деди.