Аян

4 Ошондон кийин өйдө карап, асманда эшик ачылып турганын көрдүм жана сурнайдын үнүндөй болгон биринчи үндү уктум. Ал мага: «Бул жакка чык. Мен сага алдыда боло тургандарды көрсөтөм»,— деди. 2 Ошол замат мага Кудайдын ыйык руху таасир этип, асманда такты турганын, анда бирөө отурганын көрдүм.+ 3 Тактыда отургандын көрүнүшү яшма ташына+ жана сердолик ташына* окшош экен. Ал эми тактыны зымырыт ташына окшогон асан-үсөн курчап туруптур.+

4 Тактынын тегерегинде дагы башка 24 такты бар экен. Ал тактыларда ак кийим кийген, баштарында алтын таажысы бар 24 аксакал+ отуруптур. 5 Тиги тактыдан чагылган чартылдап,+ үндөр, күндүн күркүрөгөнү угулуп жатты.+ Тактынын алдында болсо жалындап күйүп жаткан 7 чоң чырак туруптур. Алар Кудайдын көзгө көрүнбөгөн 7 ыйык рухун билдирет.+ 6 Ошондой эле тактынын алдында хрусталдай болгон, айнек деңизге+ окшош бир нерсе бар экен.

Ортодо — такты турган жерде* — жана тактынын тегерегинде алды-арты көзгө толгон 4 периште+ туруптур. 7 Алардын биринчиси арстанга,+ экинчиси букачарга окшош экен.+ Үчүнчүсүнүн+ жүзү адамдыкына окшош экен, ал эми төртүнчүсү+ учуп бараткан бүркүткө окшош экен.+ 8 Төрт периштенин ар биринин асты-үстү көзгө толгон алтыдан канаты бар экен.+ Алар күнү-түнү тынбай: «Мурун да, азыр да бар болгон жана келечекте келе турган+ Кудурети Чексиз Кудай Жахаба ыйык, ыйык, ыйык»,+— деп жатышты.

9 Ал периштелер тактыда отурган, түбөлүктөн түбөлүккө жашаган+ Кудайды даңктап, ага урмат көрсөтүп, ыраазычылык билдиришкен сайын, 10 24 аксакал+ чөк түшүп, тактыда отурган, түбөлүктөн түбөлүккө жашаган Кудайга таазим кылып жатышты жана таажыларын тактынын алдына ыргытып: 11 «Жахаба Кудайыбыз, сен даңкка,+ урмат-сыйга,+ бардык күч-кубатка+ татыктуусуң, анткени баарын сен жараткансың,+ бардыгы сенин эркиң менен жаратылып, бар болуп турат»,— деп жатышты.