Аюп

 2 «Чечимдеримди талашка салып жаткан,

Эч нерсе билбей туруп сүйлөп жаткан бул ким?+

 3 Эми эркектей болуп белиңди бекем буу,

Сага суроо берейин, жооп берчи.

 5 Эгер билсең, айтчы, жердин чен-өлчөмүн ким белгилеген,

Үстүнөн ченегич жипти тартып ким өлчөгөн?

 6 Анын пайдубалы эмнеге орнотулган,

Бурчуна негизги ташты ким койгон?+

 7 Таңкы жылдыздардын+ баары бирге шаттана кыйкырганда,

Кудайдын уулдарынын*+ баары салтанаттуу үн салганда, сен кайда элең?

 8 Деңиз жатынды жарып чыккандай жулунганда,

Дарбаза менен аны ким тоскон?+

 9 Мен ага булутту кийим кылып кийгизгенде,

Аны коюу караңгылык менен орогондо,

10 Ага чек койгондо,

Эшиктери менен бекиткичтерин орноткондо,+

11 „Ушул жерге чейин келесиң, мындан ашпайсың.

12 Өмүрүңдө таңга буйрук берип көрдүң беле,

Таң шооласына ордун көрсөттүң беле?+

13 Жердин учу-кыйырына барып,

Ыймансыздарды күбүп ташта деп таңга сен айттың беле?+

14 Мөөр басылганда чопо өзгөргөндөй, жарык тийгенде, жер жүзү өзгөрөт,

Жердин бети көрктөнүп, кооз кийимдей көрүнөт.

15 Бирок ыймансыздар жарыгынан айрылат,

Алардын ыймансыз иштери соңуна чыгат.

17 Өлгөндөр жаткан жайдын дарбазаларын,+

Көзгө сайса көрүнгүс караңгы жердин дарбазаларын* көрдүң беле?+

21 Ушунун бардыгын билгидей,

Мен баарын жаратып жатканда эле төрөлдүң беле?

23 Мен аларды алаамат маалына,

Салгылаш менен согуш күнүнө сактап турам.+

25 Нөшөргө жол салган,

Чагылгандуу кара булутка жол ачкан ким?+

26 Ошентип адам баласы жашабаган жерге,

Пенде отурукташпаган чөлгө жамгыр төктүргөн,+

27 Бүлгүнгө учураган ээн жерлерди сугарып,

Чөп өстүргөн ким?+

30 Ошентип суулардын бетин таштай кылып койгон,

Терең суулардын бетин катуу кылып тоңдуруп койгон ким?+

31 Кима топ жылдызынын* аркандарын түйүн кылып байлай аласыңбы,

Же Кесил топ жылдызынын* боолорун чече аласыңбы?+

32 Топ жылдызды* өз маалында чыгара аласыңбы,

Аш топ жылдызын* балдары менен жетектей аласыңбы?

33 Асмандагы нерселерди башкарган мыйзамдарды билесиңби,+

Алардын* бийлигин жер бетине орното аласыңбы?

34 Булуттарга буйрук берип,

Үстүңө нөшөр жаадыра аласыңбы?+

38 Ким ошентип чаңды баткакка айлантып,

Кесек-кесек топуракты бири-бирине жабыштыра алат?

39 Сен арстанга олжосун кармап бере аласыңбы,

Жаш арстандарды тойгуза аласыңбы?+

40 Алар турагында боортоктоп жатканда,

Жемин аңдып жатканда тойгуза аласыңбы?

41 Балапандары жем таппай темселеп,+

Кудайга жалбарганда,

Кузгунга азыгын ким таап берет?