Забур
Жетекчиге*. Кыл аспаптардын коштоосунда аткарылат. Дөөтүнүн ыры.
4 Сага кайрылганымда, жооп бере көр, оо, адил Кудайым.+
Кысталыш учурда жолун таап куткара көр*.
Ырайым кылып, тилегимди уга көр.
2 Оо, адамдар, качанкыга чейин кадыр-баркымды тебелеп-тепсейсиңер?
Качанга чейин пайдасыз нерсени, калпты жакшы көрө бересиңер? (Села)
3 Билип койгула, Жахаба ага берилген кишиге өзгөчө мамиле кылат*;
Жахабага кайрылганымда, ал мени угат.
4 Ачууланганыңарда күнөө кылбагыла.+
Айтчу нерсеңерди төшөктө жатканда ичиңерден айтып алгыла да, унчукпагыла. (Села)
6 Көптөр: «Бизге ким жакшылык кылат?» — дешет.
Оо, Жахаба, бизге кайрымдуулук кыла көр.+
7 Сен жүрөгүмдү зор шаттыкка толтурдуң,
Эгини менен жаңы шарабы мол болгондордукунан да ашып түшкөн кубанычка толтурдуң.