Ышая
46 Бел бүгүлдү,+ Небо* ийилди.
Алардын буркандары жүк ташыган жаныбарларга жүктөлдү,+
Чарчап калган жаныбарларга оор жүк болду.
2 Ал кудайлар бүгүлдү, ийилди.
Алар жаныбарларга артылган буркандарын сактай алышпайт,
Өздөрү да туткунга кетип баратышат.
3 «Оо, Жакыптын урпактары, ысрайыл элинен калгандардын баары,+
Эл болгонуңардан бери энедей болуп өзүм кам көрүп, өзүм көтөрүп жүргөндөр, мени уккула.+
Мурункудай эле силерди көтөрүп, колдоп, сактап жүрөм.+
5 Силер мени кимге окшоштурасыңар?+
Окшош жагыбызды көрсөтүп, кимге теңеп, кимге салыштырасыңар?+
6 Кээ бирөөлөр капчыгынан алтынды шагырата төгүп,
Күмүшүн таразага тартып,
Зергер жалдап, андан кудай жасатышат.+
Анан жүзтөмөндөп жыгылып, анысына сыйынышат.+
Ордунан такыр жылбайт.+
Ага жалбарышат, бирок ал жооп бербейт,
Эч кимди кыйынчылыктан куткара албайт.+
8 Ушуларды унутпагыла, кайраттуу болгула.
Мыйзамды бузгандар, ушуларды көкүрөгүңөргө түйүп алгыла.
9 Мурункуну, байыркы убакта болгондорду эстегиле,
Менин Кудай экенимди, менден башка Кудай жок экенин эстегиле.
Мен Кудаймын, мага окшош эч ким жок.+
Айтканымды аткарам,
Ойлогон оюмду орундатам.+
12 Тоң моюндар, мага кулак салгыла,
Адилдиктен алыстагандар, уккула.
13 Адилдигимди көрсөтө турган убакка аз калды,
Ал жакындап калды.
Мен куткара турган убак кечикпейт.+
Сиондун тургундарын куткарам, Ысрайылды даңкыма бөлөйм».+