Olembiwa na Luka

18 Ndiye Yesu ooawandela fanizo vofuna atonyi-eda funeya opempela thawi detene koma teto ira katitatilenga murima. 2 Liye aongile ira: “Mu mzinda umo-iwa mookala oweluza milandu unoyo kaaova Mulungu koma teto kaalemekeza athu. 3 Mu mzinda unola mookala teto iyana wamasiye unoyo adowa moweli-edaweli-eda wa oweluzoyo dowa muvepa ira, ‘Ndiweluzeleni mulandwanga mwachilungamo na muthu unoyo un’na mulandu na miyo.’ 4 Vowambeela oweluzoyo kaafuna, koma vanduli viwa aongile m’murimani mwae ira, ‘Ngakale ira kandinaova Mulungu kapena lemekeza muthu uliwetene, 5 ndinoonechecha ira chilungamo iireya wa iyana wamasiyela chifukwa yoi unondivuti-a. Ndinopanga vyevi ira kapitilize za wa miyo nondigomi-a na vyevyo unavepa liye.’” 6 Vanduli viwa Mbwiye aongile ira: “Kodi muona vyevyo oweluza milandula aongile liye ngakale ira ali oolungama? 7 Ndiye kodi Mulungu kanaza aonechecha ira chilungamo iireya wa athwae osakuliwa, anayo kanamukuwela tana na ma-iyu? 8 Ndithu ndinaauwandelani, liye unoza aonecheche ira aluwa kopangeliwa chilungamo mombaraanya. Kodi Mwana wa muthu aza afiya, unoza afwanye athu anayo kan’na iroromelo vailambo yavati?”

9 Yesu oowonga teto fanizo lo-arelali wa athu anayo kaviona ngati olungama, koma kaona athu amo-iwa ngati o-okaana chito. Liye aongile ira: 10 “Athu ambin’li koodowa mukachisi dowa pempela. M’mo-i ali Mfarisi moi m’mo-iwoyo ali okomi-a misonkho. 11 Mfarisiyo ooimela nowambeela pempela m’murimani mwae ira, ‘Mulungwanga, ndinouyamikelani chifukwa miyo ndili o-iyana na athu etene. Aluwa mba achifamba, oolungama koma teto aigololo. Teto ndili o-iyana na okomi-a misonkhola. 12 Miyo ndinosala dja maulendo men’li va mulungu teto ndinopeleka yakhumi va vyongo vyetene vyevyo ndinafwanya miyo.’ 13 Koma okomi-a misonkhoyo, angaimelile vandendai, liye kaaing’anile udimu. Koma m’malomwiwa akeda vivaza vamirimani noonganga ira, ‘Mulungwanga, ndiomeleni murima* voi miyo ndili muthu ochimwa.’ 14 Ndithu ndinaauwandelani, vevo muthu unola adowa liye waniwa Mulungu oomuona ira ngolungama vinjinji kwaranya Mfarisiyo. Chifukwa muthu uliwetene onyada unoza apangi-iwe manyazi, koma uliwetene unoyo unaviyevi-a unoza agweli-iwe.”

15 Ndiye athu koowambeela muzelana a-ima ang’onong’ono ira aa-inde na mandae, koma ofunjedae kangaonile vyevi koowanyanyuwela. 16 Koma Yesu oowaitana a-imayo. Liye aongile ira: “A-iyeni a-imayo kaze wa miyo, kamuwakoondi-e. Chifukwa Umwene wa Mulungu ngwa athu ngati anala. 17 Ndithu ndinaauwandelani, muthu uliwetene o-owachela Umwene wa Mulungu ngati mwana n’ng’onong’ono kanaza avolowa mu Umwenoyo.”

18 Sopano olamulela m’mo-iwa oomufuka ira: “Mphunzisi wapama, ndipange n’ni ira ndidowe ndafwanye moyo oomala?” 19 Yesu oomusomeda ira: “Chifukwa n’ni unandiromola ira wapama? Kavali wapama, koma Mulungu eka. 20 Weyo unoiziwa malamulo oyi: ‘Kamupange igololo, kamuphe muthu,* kamube, kamupeleke umboni onama koma teto lamulo loi, mulemekezenga babinyu na m’minyu.’” 21 Ndiye muthuyo asomedile ira: “Ndikala ndi-arelanga malamulo etene anala ambeela ndingali mwana.” 22 Yesu angavwile vyevi, oomuwandela ira: “Vikala yongo imo-i ineyo ina-alela mwa weyo: Dowa waguli-e vyongo vyetene vyevyo un’na we teto ndalama diwa udowe waava-e athu osauwa. Wera eno unoza ukaena chuma udimu, ndiye vanduli viwa uze ukale o-arelanga.” 23 Liye angavwile vyevi, ookaana chisoni vinjinji, chifukwa ali olemela vinjinji.

24 Yesu oomuing’ana noonga ira: “Vinaza vikala vyorucha vinjinji ira athu a ndalama kaze kavolowe mu Umwene wa Mulungu! 25 Onga vyoona, kai vyorucha ira ngamila ivolowe va muli-a ung’onong’ono wa singano iyana noi muthu olemela avolowe mu Umwene wa Mulungu.” 26 Athu anayo kavwile vyevi koofuka ira: “Akala chi eno ndiye mbaani unoyo unavulumuwe?” 27 Liye ooawandela ira: “Vyongo vyevyo vili vyo-owandeya wa athu pivyowandeya wa Mulungu.” 28 Koma Petulo aongile ira: “Kaonani! Iyo ni-iya vyongo vi-u vyetene nou-arelani.” 29 Yesu ooawandela ira: “Ndithu ndinaauwandelani, kavali muthu unoyo u-iile nyumbae, iyanae, achimwenae, makolwae kapena a-imae, chifukwa ya Umwene wa Mulungu 30 unoyo kanaza afwanya vyongo vinjinji kwaranya vyevi muthawiila, moi muthawi* ineyo inazeyo, unoza afwanye moyo oomala.”

31 Vanduli viwa Yesu oowalandela vambali ofunjedae 12 noawandela ira: “Kavuruwanani! Sopano ninadowa wu Yelusalemu moi vyetene vyevyo vyalembiwe na anamaongela vyokuza Mwana wa muthu vinodowa vyakwakwaneli-ediwe. 32 Liye unodowa apelekiwe wa athu a mitundu dimo-i moi kanodowa kamupangele vya ibewe, munyoza koma teto mutapeda. 33 Kamari-a muvaza kanodowa kamuphe, koma va dambo lanaralu liye unoza avenyi-iwe.” 34 Koma ofunjedae katavwechechile vyongo vyevyo aongile liye chifukwa tapulela wa mawu anala wali obiseya wa aluwa.

35 Sopano vevo Yesu aandamela liye wu Yeriko, Muthu m’mo-iwa o-oona ali angagaratile m’mbali mwa sewu vepanga vyongo. 36 Angavwile gulu la athu liviranga vakwikwi na vevo ali liye, oofuka ineyo yaireya. 37 Aluwa koomuwandela ira: “Yesu Mnazareti unaavira!” 38 Liye angavwile vyevi ookuwa ira: “Yesu, Mwana wa Davide, ndipangeleni chifundo!” 39 Ndiye athu anayo kali usogolo koowambeela musumulula nomuwandela ira amiyale. Koma vevo kamuwandelaathu vyevi pavevo teto asimbwa liye kuwa ira: “Mwana wa Davide, ndipangeleni chifundo!” 40 Eno Yesu ooimela nowalamula ira muthuyo kamudowena wa liye. Angafiile vakwikwi, Yesu oomufuka ira: 41 “Unafuna ira ndiupangele n’ni?” Liye oosomeda ira: “Mbwiyeni, ndikami-eni ira ndiambeele ona.” 42 Eno Yesu oomuwandela ira: “Ambeela ona, iroromelo yawo iuchili-a.” 43 Thawi ineyo oowambeela ona, moi oowambeela mu-arela alemekezanga Mulungu. Koma teto athu etene kangaonile vyevi, kootamanda Mulungu.