Langiza Molimba Murima

Vyevyo Yesu Apangile Liye

VIDIYO: Yesu Oomulangiza Olamulela Wainyamata

1. Onelani VIDIYO, kapena welengani Maliko 10:17-22. Era eno kambiranani mafuso o-arelala:

1. Kodi Yesu aonile makalelo apama aavi mwa olamulela wainyamatola?

2. Chifukwa n’ni vafuneya chikondi koma teto limba murima ira amuva-e malangizo?

Vyevyo Ninafunjeda Iyo Vaisazo ya Yesu

2. Ira ofunjedi-u kadowe vasogolo mwauzimu, ninafuneya onganga mwachikondi koma moovira m’mbali.

Vyevyo Munapangenyo Vomusazi-eda Yesu

3. Mumutandizenga kaana vyolinga koma teto mwemo munavikwakwaneli-edele liye.

1. Mu-indi-edenga chito mbali yoi “Vyolinga,” mubuku loi Sangalalani na Moyo Mpakana Walewale.

2. Mumutandizenga iziwa vyevyo unapange liye ira akwakwaneli-ede vyolinga ving’onong’ono koma teto vilukulu.

3. Mumuyamikelenga chifukwa ya mwemo munadowela liye vasogolo.

4. Muzindikilenga vyevyo vinamulepeli-a dowa vasogolo, nomutandiza.

1. Vifukeni ira:

   • ‘Chin’ni ineyo inamulepeli-a dowa vasogolo ira abadiziwe?’

   • ‘Ndinapange avi ira ndimutandize?’

2. Muvepenga Yehova ira autandizeni onga mwachikondi koma teto moovira m’mbali vevo munamutandizanyo ofunjedinyu.

5. Mu-iyenga funjedanae ngati kanadowa vasogolo.

1. Vifukeni mafuso ala ira muiziwe ngati phuzilolo linadowa vasogolo kapena iyayi:

   • ‘Kodi uno-indi-eda chito vyevyo unafunjeda liye?’

   • ‘Kodi unofwanyeya va misonkano koma teto wandela amo-i choonadi?’

   • ‘Voi ukala afunjedanga wathawi indendai, kodi unofuna kala wa Mboni da Yehova?’

2. Ngati ofunjeda kanafuna dowa vasogolo:

   • Mufukeni ineyo inamulepeli-a dowa vasogolo.

   • Muwandeleni mooma murima chifukwa iwa kamunapitilize funjedanae.

   • Muwandeleni vyevyo unapange liye ngati unaze afune teto pitiliza funjeda.