Chikondi ya Mulungu Inoza Ikalevo Mpakana Walewale

1-2. Kodi Akristu anjinji kanagumana na vuto liivi?

KAYEREKEZELANI ira mugwela ngalawa, moi mugumana na mafunde akopolo. Mafundayo kanaandunyela ngalaweyo mbali na mbali. Ngalaweyo inakeda dowa uliwetene wewo mafundayo kanandunyelaaathu. Moi ngalaweyo inokoza imela akala muthu m’mo-iwa unai-ele nangula. Nanguloyo unokoza kami-a ira ngalaweyo kindunyeyenga na mafunde koma igarateye.

² Akala munagumana na vuto lilukulu, munokoza vivwanga ngati muli mungalawa inela. Munokoza chenjachenjanga mwemo munavwela nyo. Dambo limo-i munokoza vivwanga ira Yehova unouomeluwanani moi unoukami-ani. Koma dambo lo-arela munokoza kaikelanga akala Yehova unaona vyevyo vinauireelani. (Sal. 10:1; 13:1) Fwinyu unokoza uwandelani mawu anayo kanaulimbikiseni wa thawi yoyeva. (Miya. 17:17; 25:11) Koma vanduli viwa munokoza ambeela teto kaikela akala Yehova unauomeluwanani. Munokoza teto onanga ira Yehova unouonani ira kamuna chito. Kodi nangulinyu opipilisa unaukami-eni avi vathawi ya mavutwela? Kodi munapange avi ira kamukaikelenga koma teto mupitilize roromela ira Yehova unouomeluwanani koma teto ukami-ani?

3. Kodi mawu oyi “chikondi yororomeleya,” oromoliwa va Salimo 31:7 na Salimo 136:1, kanatapulela n’ni? Nanga chifukwa n’ni ninaonge ira Yehova ngunoyo unatonyi-eda vinjinji chikondi yororomeleya? (Onani teto ithuzithuzi.)

³ Yongo imo-i ineyo inaukami-eni ira mukaleve olimba mwagumananga na mavuto, kuumbuwela chikondi yororomeleya ya Yehova. (Welengani Salimo 31:7; 136:1.) Mawu oyi “chikondi yororomeleya” kanafotokoza vya chikondi yakopolo ineyo muthu unamutonyi-eda liye muthu m’mo-iwa moi unopitiliza itonyi-eda ngakale vyongo vyangaruchile vinjinji. Yehova ngunoyo unatonyi-eda vinjinji chikondi yororomeleya kwaranya uliwetene. Moi Baibulo linofotokoza ira, liye “ngwachikondi yororomeleya yoinjiva.” (Ekis. 34:6, 7) Baibulo linoonga teto ira Yehova ‘unotonyi-eda chikondi yororomeleya yoinjiva wa etene anayo kanaitana wa liye.’ (Sal. 86:5) Koma kodi malembala kanafuna niwandela vyoi avi? Yehova kana-iya atumikae ororomeleya. Umbuwela likundo loi Yehova ngororomeleya unokoza ukami-ani ira muvilelenga mwagumananga na mavuto alukulu. — Sal. 23:4.

MUUMBUWELENGA IRA CHIKONDI YA YEHOVA TI LIMO-I MWA MAKUNDO OWAMBEELA A M’BAIBULO

4. Pelekani visazo vya makundo owambeela a m’Baibulo, teto fotokozani chifukwa iwa ninaaroromela vinjinji.

⁴ Yongo ineyo inanikami-e ira nikaleve olimba nagumananga na mavuto, kuumbuwela ira likundo loi Yehova unoniomeluwana ti limo-i mwa makundo owambeela a m’Baibulo. Kodi munaganizela n’ni mwavwa mawu oyi “makundo owambeela a m’Baibulo”? Mwina munaganizela makundo owambeela a choonadi anayo mwafunjedile nyo m’Mawu a Mulungu. Mwaisazo, moofunjeda ira zina la Mulungu ngu Yehova, Yesu ngu mwana wa Mulungu wobaliwa yekha, athu okhwa katinaiziwa iliyetene, koma teto ira usogolou ilambwela inoza ikale paradaizo moi athu kanoza kakalengamo mpakana walewale. (Sal. 83:18; Nam. 9:5; Yoh. 3:16; Chiv. 21:3, 4) Mwangaambeele roromela makundo anala, kamwalolile ira uliwetene aulepeli-eni aroromela. Koma chifukwa n’ni mwapangile eno? Chifukwa moozindikila ira makundo anala mbokumela m’Baibulo. Tiyemoni nione mwemo iziwa ira Yehova unoniomeluwana lelo ti limo-i mwa makundo owambeela a m’Baibulo, unanikami-eleathu chosa maganizo oyi Yehova kanaona kapena kanakumbanyela vya mavuto anayo ninagumanana iyo.

5. Fotokozani vyevyo vinakami-a muthu ira akoonde vyongo vyonama vyevyo vipembezo vinafunji-aathu.

⁵ Kodi mwangaambeele funjeda Baibulo chin’ni ineyo yaukami-ileni ira mu-iye roromela vyongo vyonama vyevyo vipembezo vyonama vinafunji-aathu? Kaninakaikela ira mooerekezela vyevyo mwafunjeda nyo uipembezwinyu na vyevyo Baibulo linafunji-aathu. Kaganizelani isazo ila: Mwina vowambeela moororomela ira Yesu ngu Mulungu wakopolo detene. Koma mwangapitilizile funjeda Baibulo, moozindikila ira Yesu kai Mulungu. Ndiye mwina moovifuka ira, ‘Kodi vyevyo ndinafunji-iwa miyovi pivyoona?’ Ndiye moo-iya roromela vyoi Yesu ngu Mulungu, nowambeela roromela likundo la m’Baibulo loi Yesu “Ngowambeela baluwa yeka wa ilengedwe yetene” koma teto “Mwana wobaluwa yeka wa Mulungu.” (Akol. 1:15; Yoh. 3:18) Moi vyongo vyonama vyevyo vipembezo vinafunji-aathu ‘vinogarateya molimba’ moi vinokoza kala vyorucha iya viroromela. (2 Akor. 10:4, 5) Koma mwangafunjedile choonadi, moo-iya roromela makundo onama etene anayo, moi kamwachenjile. — Afil. 3:13.

6. Chifukwa n’ni kaninkaikela vyoi “chikondi yororomeleya” ya Yehova inoza ikalevo mpakana walewale?

⁶ Ninokoza panga vyofwanafwana na vyevyo napangile iyo vakhani ya vyevyo Baibulo linafunji-aathu vyoi Yehova unoniomeluwana. Mwagumana na mavuto, nowambeela kaikela akala Yehova unauomeluwanani, muvifukenga ira ‘Kodi miyo ndinoganiza pama?’ Ndiye muerekezelenga vyevyo munakaikela nyoovyo na vyevyo lemba la Salimo 136:1 linaongaathu, lelo ti lemba losogolela khanila. Chifukwa n’ni Yehova unafotokoza ira chikondae “chororomeleya?” Chifukwa n’ni mawu oyi “chikondae yororomeleya inoza ikalevo mpakana walewale” kaweli-ediwe maulendo 26 muchaputala inela? Monga mwemo nionele iyo, likundo loi Yehova unotonyi-eda chikondae yororomeleya wa athwae, ti limo-i mwa makundo owambeela a m’Baibulo anayo ninafuneya iyo asomedela ngati mwemo nasomedele iyo makundo amo-iwa owambeela a m’Baibulo anayo nafunjedile iyo. Maganizo oyi Yehova unouonani ira muli ookaana chito koma teto oyi kanauomeluwanani, mbonama. Mukoondenga maganizo anala ngati mwemo munakoondele nyo mwakopolo roromela viphuziso vyonama.

7. Romolani malemba anayo kananisimikizela ira Yehova unoniomeluwana.

⁷ M’Baibulo mukala maumboni anjinji anayo kananisimikizela ira Yehova unoniomeluwana. Mwaisazo, Yesu oowawandela ofunjedae ira: “Muli ofuneya vinjinji kwaranya mbalame doinjiva.” (Mat. 10:31) Yehova oowawandela athwae ira: “Ndinoulimbi-ani, ndithu ndinoukami-ani, ndinou-indani mwakopolo na ndanda langa lamanda lachilungamo.” (Yes. 41:10) Mavesi anala kanaonga vyongo mosimikiza. Yesu kanaonga ira ‘Munokoza kala ofuneya vinjinji kwaranya,’ teto Yehova kanaonga ira ‘Ndinokoza ukami-ani.’ M’malo mwiwa Yesu unaonga ira, “Muli ofuneya vinjinji kwaranya” Koma teto Yehova unaonga ira, “Ndithu ndinoukami-ani.” Eno mwagumana na mavuto nowambeela kaikela akala Yehova unauomeluwanani, malemba anala kanokoza ukami-ani ira muvivwenga ira Yehova unouomeluwanani koma teto usimikizelani vyevyo. Malembala kanafotokoza makundo osimikizeleya na oona. Napempela wa Yehova nomuwandela vyevyo ninakaikela iyo koma teto ganizela modii-a malembala, ninokoza onga mawu ava 1 Yohani 4:16, anayo kanaonga ira: “Iyo ninoiziwa koma teto ninororomela ira Mulungu unoniomeluwana.”a

8. Kodi munafuneya panga n’ni akala thawi dimo-i munakaikela vyoi Yehova unouomeluwanani?

⁸ Ndiye munapange avi akala thawi dimo-i munakaikelave akala Yehova unauomeluwanani? Muyerekezelenga mwemo munavwela nyo na vyevyo munaiziwa nyo vyokuza Yehova. Iyo athu ninochenjachenja mwemo ninavwela iyo. Koma likundo la m’Baibulo loi Yehova unoniomeluwana, kalinachenja. Kaikela vyoi Yehova unoniomeluwana, kunyalanyaza ikalelo ilukulu ya Yehova ineyo chi chikondi. — 1 Yoh. 4:8.

MUGANIZELENGA MODII-A MWEMO CHIKONDI YA YEHOVA MUNAUKUZELANIATHU

9-10. Kodi Yesu aonga vya n’ni vevo aongile liye ira: “Baboyo unouomeluwanani” va Yohani 16:26, 27? (Onani teto ithuzithuzi.)

⁹ Ninokoza funjeda vinjinji vyokuza chikondi ya Yehova naganizela vyevyo Yesu aawandelile liye ofunjedae vyoi, “Baboyo unouomeluwanani” (Welengani Yohani 16:26, 27.) Yesu kaawandele ofunjedae mawu anala vokeda funa asangalasa. Naganizela mavesi amo-iwa amundulimu, Yesu aanaonge mawu avavesili, ninokoza onga ira Yesu kaakeda onga mwemo ofunjedae mwavwelaathu. M’malo mwiwa afotokoza khani imo-iwa ineyo chi pempelo.

¹⁰ Yesu ali angakede awandela wene ofunjedae ira kapempelenga zela mwa liye ookala wa liye. (Yoh. 16:23, 24) Vyali vyofuneya vinjinji ira ofunjedayo kaiziwe khani inela. Yesu angavenyi-iwe mwina ofunjedae kafuna ira kapempelenga wa liye. Chifukwa n’ni aluwa kafuna panga eno? Chifukwa yoi koomuona ira ngu fwiwa, koma teto kooiziwa ira Yesu oowaomeluwana, aluwa kooganiza ira liye unerenga vuruwana mapempelwiwa kamuvepa Yehova ira aakami-e. Komave Yesu oowawandela ira katikaengana maganizo anala. Koma chifukwa n’ni? Chifukwa oowawandela ira: “Baboyo unouomeluwanani.” Likundo leli ti mbali ya makundo owambeela a vyevyo Baibulo linafunji-aathu vyokuza pempelo. Kaganizelani mwemo likundo leli linaukuzelaniathu. Chifukwa yofunjeda Baibulo, moomuiziwa pama Yesu moi moowambeela muomeluwana. (Yoh. 14:21) Mofwanafwana na ofunjeda owambeela, nanyen’ne teto munokoza pempela nairoromelo, voiziwa ira: “Baboyo unouomeluwanani.” Vathawi iliyetene ineyo munapempela nyo wa Yehova, munotonyi-eda ira munororomela na murima wetene mawu anala.— 1 Yoh. 5:14.

MUZINDIKILENGA VYEVYO VINAUPANGI-ANI IRA MUKAIKELENGA VYOI YEHOVA UNOUOMELUWANANI

11. Chifukwa n’ni Satana unasangalala naambeela kaikela vyoi Yehova unoniomeluwana?

¹¹ Kodi ngu mbaani unoyo unapangi-a ira nikaikelenga vyoi Yehova unoniomeluwana? Mwina munokoza someda ira, unoyo unapangi-a ngu Satana. Moi vyevi vinokoza kala vyoona. Mdjerekezi unofunechecha ‘nimida.’ Moi liye unosangalala aiziwa ira ninokaikela vyoi Yehova unoniomeluwana. (1 Pe. 5:8) Chifukwa yoi Yehova unoniomeluwana, liye ooniva-a mphaso yavadimu vinjinji ya Dipo. Koma Satana unafuna ira nionenga ira kanili ofwanelela wachela mphaso inela. (Aheb. 2:9) Koma kodi ngu mbaani unoyo unasangalala vinjinji nakaikelanga vyoi Yehova unoniomeluwana? Ngu Satana. Moi liye unosangalala aona ira nifooka no-iya mutumikela Yehova. Liye teto unafuna ira niganizenga ira Yehova kananiomeluwana. Koma vyevi kai vyoona. Yehova unoidana na Satana ookala iyo. Moi imo-i mwa ndila dae “dachinyengo” kunipangi-a ira nivivwenga ngati Yehova kananiomeluwana koma teto kanasangalala na iyo. (Aife. 6:11) Nazindikila vyevyo Mdjerekezi unoyo ngu mdani-u unafuna liye panga, ninokoza panga vyetene vyevyo ninawande iyo ira ‘nimuruni-e’ — Yak. 4:7.

12-13. Kodi uchimo unoyo nabaliwena iyo, unanipangi-a avi ira nikaikelenga vyoi Yehova unoniomeluwana?

¹² Vikala yongo imo-iwa teto ineyo inanipangi-a ira nikaikelenga vyoi Yehova unoniomeluwana. Kodi yongo iwa chin’ni? Ngu Uchimo unoyo ninabaliwana iyo. (Sal. 51:5; Arom. 5:12) Uchimo oosokoneza usamwali-u na Yehova. Koma teto uchimo oowononga maganizwi-u, murimi-u koma teto thuthu li-u.

¹³ Uchimo oosokoneza mwemo ninavwela iyo, moi unopangi-a ira niviimbenga mulandu, nikaengana nkhawa, nivivwenga ira kanili otetezeya koma teto ninyaswenga. Moi mwemu pumwemo ninavwela iyo napanga chimo. Ninokoza teto vwa eno chifukwa thawi detene ninoumbuwela ira iyo kanili angwilo, vyevyo pivyo-iyana vinjinji na mwemo Yehova mwanilengele liye. (Arom. 8:20, 21) Mofwanafwana na galimoto ineyo iphwile taala moi kinawande tamanga valiwilo lelo yatamangeathu yaakale ira kiphwile, na-iyene teto chifukwa yoi kanili angwilo, kaninapangenga vyongo pamapama ngati mwemo napangele iyo aakale ira nili angwilo. Eno kai vyodabwi-a akala thawi dimo-i ninaona ira Yehova kananiomeluwana. Vyevi vyaireya, niumbuwelenga ira Yehova ngu “Mulungu mulukulu koma teto opangi-a mantha, . . . moi unotonyi-eda chikondi yororomeleya wa athu anayo kanamuomeluwana nosunga malamulwae.”— Nehe. 1:5.

14. Kodi ganizela vya dipo unanikami-e avi ira ni-iye kaikela vyoi Yehova unoniomeluwana? (Aroma 5:8) (Onani teto bokosi loi “Samalani na ‘Chinyengo Yakolopo ya Uchimo.’”)

¹⁴ Pivyoona ira thawi dimo-i, ninokoza vionanga ira Yehova kananiomeluwana. Moi onga vyoona iyo kanili ofwanelela ira Yehova aniomeluwengana. Mbaona chikondae ili yavadela vinjinji. Moi Yehova kaambeele niomeluwana chifukwa yoi noopanga yongo imo-iwene yavadela vinjinji. Koma chifukwa yoi unomiomeluwana, liye oomupeleka dipo mwanae ira machimwi-u kakululukiwenga. (1 Yoh. 4:10) Muumbuwelenga teto ira Yesu ooza vailambwela ira aze avulumuche athu ochimwa ookala athu angwilo. (Welengani Aroma 5:8.) Kavili uliwetene unoyo unapange vyongo vo-olakwi-a iliyetene, moi Yehova kanadedi-edela ira ninerenga panga vyongo mwandila inela. Navwechecha pama likundo loi uchimo unopangi-a ira nikaikelenga vyoi Yehova unoniomeluwana, vinokoza nikami-a ira nipangenga iliyetene ineyo ninawande iyo ira nilimbanenga na maganizo anala. — Arom. 7:24, 25.

MUSAKULENGA KALAVE OROROMELEYA WA YEHOVA

15-16. Kodi kaninakaikelenga vya n’ni akala ninakaleve ororomeleya wa Yehova, nanga chifukwa n’ni? (2 Samuweli 22:26)

¹⁵ Yehova unafuna ira nipangenga vyongo mwazelu vokalave “ororomeleya wa liye.” (Doto. 30:19, 20) Napanga vyevi, kaninakaikelenga ira Yehova unoza akaleve ororomeleya wa iyo. (Welengani 2 Samuweli 22:26.) Napitiliza kala ororomeleya wa Yehova, kaninakaikelenga ira liye unoza anikami-enga ira nipitilize vilela mavuto aliyetene anayo ninagumanena iyo vamoywi-u.

¹⁶ Mukhanila niona ira nikaana vifukwa vinjinji vyonikami-a ira nikalengave olimba nagumananga na mavuto vathawiila ngakale teto usogolo. Ninoiziwa ira Yehova unoniomeluwana moi unoza apitilize nikami-a. Vyevi pivyevyo Baibulo linafunji-aathu. Nakaikelanga vyoi Yehova unoniomeluwana, niumbuwelenga vyevyo ninaiziwa iyo vyokuza chikondi ya Yehova, m’malo moganizelanga mwemo ninavwela iyo vathawi ineyo. Eno tiyemoni nipitilize roromela vyevyo Baibulo linaongaathu vyoi chikondi yororomeleya ya Yehova inoza ikalevo mpakana walewale.