TIMOKO 15
Ngano Yezu ni nani?
Yezu wumosi wena wa bantu bayôkele nsangu. Bantu babingi bazebi nkumbu ya Yezu, kâ ka babingi’â ko batomono mu zaba, mpe babingi bê na mabanza ma swaswana mu Yezu. Ngano Bibila bwe ditâka mu Yandi?
1. Ngano Yezu ni nani?
Yezu mpeve yena ya ngolo yibâka ku zulu. Yehova wamuyirika ntete kayirika bima biabiansoni. Ntiangu bamutâ: Wô “watoko butuka mu biabiansoni biayiluku.” (Bisi-Kolose 1:15) Bibila ditêle ti Yezu ni “mwana wa wumosi” wa Nzambi mu bungu ti Yehova Yandi kaka wamuyirika. (Za 3:16) Yezu watomo sala tintwari na Tata’andi Yehova mu yirika bima biabiansoni biakaka. (Tanga Bingana 8:30.) Ntangu zazansoni, Yezu tindiku tia mbote kwa tibâka nandi na Yehova. Nzonzi ya kwikama ya Nzambi yena; mbo bamutâka “Zu” mu bungu ti nsangu na misiku mia Nzambi kahanaka.—Za 1:14.
2. Mu bungu dia nti Yezu kayizila ha mutoto?
Tûka mivu yôka 2 000, Yehova wasa timangu; mpeve santu’andi kasarila mu tambika luzingu lwa mwana’andi, tûka ku zulu, mu moyo wa mwana ndumba wumosi wu beri tâka nkumbu Mariya. Buna Yezu wabutuka muntu. (Tanga Like 1:34, 35.) Yezu wayiza ha mutoto mu bâ Masiya, peleko Kristo, na mu kûla bantu.a Mbikululu zazansoni zitariri Masiya ni mu yandi zalunganana, bu zabakisa bantu mu zaba ti Yezu ni “Kristo, Mwana wa Nzambi ya moyo.”—Matie 16:16, NWT.
3. Ngano Yezu kwe kena bwawu bu?
Ha manima ma lufwa lwandi ha mutoto, Yezu wavumbuka kwe ba fwa mpe wayizi bâ mpeve; buna wakâla ku zulu; kûna, “Nzambi wamuzangula ha tibuka tiyôkele.” (Bisi-Filipe 2:9, NWT) Bwawu bu, Yezu mbazi yena ya ngolo—Yehova kwa mu yôkele mu ngolo.
YIKA NDILU
Zaba Yezu ni nani, mpe mu bungu dia nti we mfunu mu mu zaba.
4. Yezu kena Nzambi ya Nkwa-Ngolo-Zazansoni ko
Bibila ditêle ti, ni bu sa ti Yezu mbazi yena ya ngolo ku zulu, yandi kwe Nzambi na Tata’andi Yehova katumamaka. Mu bungu dia nti tulendi têla bo? Taleno VIDEO mu zaba misamu mi longesaka Bibila mu luswaswanu lwe ha kati dia Yezu na Nzambi ya Nkwa-Ngolo-Zazansoni.
Verse zita landa mbo zitubakisa mu bakula tintwari tie ha kati dia Yehova na Yezu. Tangeno muna verse, mpe zonzeleno biyuvu bita landa.
Tangeno Like 1:30-32.
Bwe mbazi yazonzela tintwari tie ha kati dia Yezu na Yehova, “Yandi Watomo Zangama”?
Tangeno Matie 3:16, 17.
Mu ntangu ya bateme ya Yezu, zu diatûka ku zulu bwe diatâ?
Mu mabanza ma nge, ngano zu dia nani diabâ?
Tangeno Za 14:28.
Nani yôkele mu bukula na mu lutumu, Tata peleko Mwana?
Yezu watâ Yehova Tata’andi. Ngano nti wuta tu longesa?
Tangeno Za 12:49.
Ngano Yezu kabanzaka ti Yandi na Tata’andi muntu wumosi kwa wena? Bwe ta banza?
5. Yezu wasongela ti yandi ni Masiya
Mbikululu zazingi ze mu Bibila zizonzelaka Masiya, Nzambi wu kasola mu kûla bantu. Mbikululu zango zabakisa bantu mu zaba Masiya ni nani. Taleno VIDEO mu zaba mbikululu zalungana mu Yezu bu kayiza ha mutoto.
Tangeno mbikululu zi za Bibila mpe zonzeleno biyuvu bita landa:
Tangeno Mika 5:2 mu longoka kwe Masiya kabutukila.b
Ngano mbikululu ya mbutukulu ya Yezu yalungana?—Matie 2:1.
Tangeno Mikunga 34:20 na Zakari 12:10 mu zaba mbikululu zitariri lufwa lwa Masiya.
Ngano mbikululu zo zalungana?—Za 19:33-37.
Ngano Yezu yandi beni wasa ti misamu mialungana buna bu babikurila mio?
Ngano musamu wo nti wuta ku songela mu Yezu?
6. Ndongokolo ya misamu mitariri Yezu ndandu yitunatinaka
Bibila ditêle ti nkatika mfunu wena mu longoka misamu mitariri Yezu na misamu Nzambi mi kazololo yandi kayirika. Tangeno Za 14:6 na 17:3, mpe zonzeleno tiyuvu eti:
Mu bungu dia nti tufweti longoka misamu mitariri Yezu?
Yezu wazibula nzila mu bâ ndiku ya Nzambi, yandi walongesa matieleka matariri Yehova, mpe mu nzila ya yandi tulendi baka luzingu lwa mankululu
TALA TI BAKUTÊLELE: “Mbangi za Yehova ka zikwikilaka mu Yezu ko”
Ngano ntia mvutu lendi hana?
MU BUKUFI
Yezu mpeve ya ngolo yena. Yandi ni Mwana Nzambi na Masiya.
Biyuvu bia mbambukulu
Mu bungu dia nti batâka ti Yezu ni yandi “watoko butuka mu biabiansoni biayiluku”?
Nti Yezu kasa ntete kiza ha mutoto?
Bwe tuzabiri ti Yezu ni Masiya?
ZABA BIAKAKA
Tomo longoka bwe tuzabiri ti Yezu ni Masiya.
“Ngano mbikululu zitariri Masiya mbo zisongelaka ti Yezu weri Masiya?” (Mutu-diambu wa mu Internet)
Dzukula tala ti Bibila mbo dilongesaka ti Nzambi wabuta Yezu ntiana bantu bu butilaka bala.
“Mu bungu dia nti Yezu bamutâka Mwana Nzambi?” (Mutu-diambu wa mu Internet)
Taluzula mu bungu dia nti butatu bulembolo ndongosolo ya Bibila.
“Ngano Yezu ni Nzambi?” (Nzo ya Zangama ya Munkengi, 1er avril 2009)
Tanga bwe luzingu lwa mukento wumosi lwasobela bu kamana taluzula misamu mi tâka Bibila mu bungu dia Yezu.