Amwaambe Makani Bamwi Ngeenga Basuna Kukutika

Yesu Nshaakacita

VIDYO: Yesu Ndyaakakumanya Mwanakashi Pamukalo

1. Amweebele VIDYO, na kubelenga Joni 4:​6-9. Lyalo akuyeeya pa miipusho itokonkelaawo:

1. Ino nciinshi Yesu ncaakabona mwanakashi kaacita kaatana kutalika mubandi?

2. Yesu wakaamba ayi: “Mpewo maanshi akunwa.” Ino nceebonshi iyi yakalinga nshila ibotu yakutalika mubandi?

Ino Nciinshi Nceenga Tweeya Kucakubonenaako Cakwe Yesu?

2. Inga twaba amubandi ubotu na twatalika mubandi amakani muntu ngaasuni kunyumfwa.

Amukonkele Cakubonenaako Cakwe Yesu

3. Amube balibambite kwaalula mubandi. Mutayumininibo kubandika makani ngomwalibambila. Amutalike mubandi wanu kwiinda mukwaamba pamakani bamwi ngobatoyeeya pacecino ciindi. Amuliipushe ayi:

1. ‘Ino ngamakani nshi bantu ngobatobandikawo bunene?’

2. ‘Ino ngamakani nshi bantu mbombambenaabo, mbonsebensaabo, na mbonjiyaabo ngobatobandikaawo?’

4. Amulangilishe cakubikila maano. Amuliipushe ayi:

1. ‘Ino muntu ngoonsuni kubandikaakwe atoocita nshi? Ino nciinshi ncaatoyeeya?’

2. ‘Ino nshaafwete, ambwaatoboneka, na shintu shili paŋanda yakwe shitotondesha nshi pali nguwe?’

3. ‘Sa ndashika paciindi ceelete?’

5. Amukutike.

1. Mutaambi bunene.

2. Amuyuminishe muntu ngomutobandikaakwe kwaanguluka kubandika. Na kaceelela inga mwamwiipushako miipusho.