Amulibambile Mumoyo

Ndyetutokwiiya Baibo, tulisuni ayi nshetutokwiiya pali Yehova shitushike panshi lyamoyo. Esila wakatondesha cakubonenaako cibotu pamakani aya ‘ndyaakalibambila mumoyo kwaamba ayi eeye milawo yakwe Yehova.’ (Esila 7:10) Ino inga twacita buyani kwaamba ayi tulibambile mumoyo?

Amupaile. Amutaangune kupaila kamutana kutalika kucita ciiyo capalwaanu. Amusenge Yehova kwaamba ayi amucaafwe kunyumfwishisha akukonkela nshemutokwiiya.—Kulu. 119:​18, 34.

Amube baliceesha. Lesa taayubululi cancine kubaabo balisumpula alimwi bayeeya ayi tabayandiki lucafwo lwakwe kwaamba ayi banyumfwishishe Baibo. (Luka 10:21) Alimwi tatusuni kunookwiiya kwaamba ayi tutondeshe bamwi ayi tulishi shiinji. Amuliceeshe akwaalula kuyeeya kwanu na takutokweendelana akwakwe Lesa.

Amweeleshe kukutika lwiimbo lwa Bwaami. Inyimbo shilatushika panshi lyamoyo, akutucafwa kulibambila kulambila Lesa. Kukutika lwiimbo lwa Bwaami kamutana kutalika kucita ciiyo capalwaanu inga kwamucafwa kulibambila mumoyo.