CIIYO 6

Kusansulula Kabotu Malembo

Joni 10:33-36

CITEENTE CINENE: Mutabelengibo lilembo cakubula kulisansulula kabotu. Amushinishe kwaamba ayi mwacafwa batookutika kunyumfwisha kabotu lilembo mbolitocatana amakani ngomutokwaambawo.

NSHOMWEELETE KUCITA:

Amwaambe maswi atosansulula citeente cinene. Pesule lyakubelenga lilembo, amwaambe maswi kuswa mulilembo ayo acatene kabotu aciteente cinene. Inga mwacita boobo kwiinda mukwaamba maswi ayo cakwiinduluka na kwiipusha mwiipusho weenga wacafwa batookutika kushiba maswi acatene kabotu aciteente cinene.

Na mwasebensesha maswi amwi kwaamba citeente cinene citokwaamba lilembo, amushinishe kwaamba ayi batookutika banyumfwisha kabotu maswi amu Baibo mbwatocatana aciteente ico.
Amuyuminishe citeente cinene. Na mwaambila limwi ncomutobelengela lilembo kamutana kulibelenga, amwaambe maswi ali palilembo mbwatocatana aciteente cinene.

Mutacali Baibo ndyemucibandika lilembo. Ici cilacafwa batookutika kunyumfwisha vesi mboitocatana amaswi ngomutokwaamba.
Amusansulule kabotu lilembo. Amusansululebo makani atokweendelana aciteente cinene. Kweelana abatookutika nshobeshi kale pamakani ngomutobandikawo, amusale makani ngeshi musansulule kwaamba ayi batookutika banyumfwishe kabotu nshemutokwaambawo.