Isaaya

 2 Laba! ekizikiza kiribikka ensi,

Era ekizikiza ekikutte kiribikka amawanga;

Naye ggwe Yakuwa alikwakaayakanirako,

Era ekitiibwa kye kirirabibwa ku ggwe.

 3 Amawanga galijja eri ekitangaala kyo+

Ne bakabaka+ balijja eri ekitiibwa kyo ekyakaayakana.+

Batabani bo bajja gy’oli nga bava wala,+

Era ne bawala bo nga basituliddwa.+

 5 Mu kiseera ekyo oliraba n’osanyuka,+

Era omutima gwo gulijaganya era gulijjula essanyu,

Kubanga eby’obugagga eby’omu nnyanja birireetebwa gy’oli;

Eby’obugagga by’amawanga birijja gy’oli.+

 6 Eŋŋamira ennyingi zirijjula mu nsi yo,

Eŋŋamira ento ennume ez’e Midiyaani n’ez’e Efa.+

Abantu b’e Seba bonna balijja;

Balireeta zzaabu n’obubaani obweru.

Zirijja ku kyoto kyange ne nzikkiriza,+

Era ndirungiya ennyumba yange ey’ekitiibwa.+

 8 Baani abo abaseeyeeya mu bbanga ng’ebire,

Era ababuuka ng’amayiba agakomawo mu biyumba byago?*

 9 Ebizinga biriteeka essuubi lyabyo mu nze;+

Ebyombo by’e Talusiisi bye bikulembeddemu,

Nga bireeta abaana bo okuva ewala.+

Balijja nga beetisse ffeeza waabwe ne zzaabu,

Okutendereza erinnya lya Yakuwa Katonda wo era Omutukuvu wa Isirayiri,

Kubanga alikugulumiza.*+

10 Abagwira balizimba bbugwe wo,

Era bakabaka baabwe balikuweereza,+

Kubanga nnakubonereza nga ndiko obusungu,

Naye ndikulaga ekisa ne nkusaasira.+

11 Enzigi zo ziriba nzigule ekiseera kyonna;+

Teziriggalwa emisana n’ekiro,

Eby’obugagga by’amawanga bisobole okuleetebwa gy’oli,

Era bakabaka baago be balikulemberamu.+

12 Eggwanga n’obwakabaka ebitalikuweereza birisaanawo,

Era amawanga galisaanyizibwawo.+

13 Ekitiibwa kya Lebanooni kirijja gy’oli,+

Omuti gw’omuberosi, ogw’omutidali, awamu n’ogw’omuteyasi,+

Okulungiya ekifo kyange ekitukuvu;

Ndigulumiza ekifo ky’ebigere byange.+

14 Abaana b’oyo eyakubonyaabonyanga balijja ne bavunnama mu maaso go;

Abo bonna abakujooga balivunnama ku bigere byo,

Balikuyita ekibuga kya Yakuwa,

Sayuuni w’Omutukuvu wa Isirayiri.+

15 Mu kifo ky’okuba eyalekebwawo era eyakyayibwa, nga tewali akuyitamu,+

Ndikufuula ensibuko y’okwenyumiriza okw’olubeerera,

Ekintu ekireeta essanyu mu buli mulembe.+

16 Era olinywa amata g’amawanga,+

Oliyonka amabeere ga bakabaka;+

Olimanya nti nze Yakuwa nze Mulokozi wo,

Era nti Katonda ow’Amaanyi owa Yakobo ye Mununuzi wo.+

17 Mu kifo ky’ekikomo ndireeta zzaabu,

Mu kifo ky’ekyuma ndireeta ffeeza,

Mu kifo ky’omuti ndireeta kikomo,

Mu kifo ky’amayinja ndireeta kyuma;

Era ndissaawo emirembe okuba abalabirizi bo

N’obutuukirivu okuba abo abakukozesa emirimu.+

18 Ebikolwa eby’obukambwe tebiriddamu kuwulirwa mu nsi yo,

N’okuzikiriza n’okwonoona tebiriddamu kuwulirwa mu nsalo zo.+

19 Enjuba terikwakira nate emisana,

N’omwezi tegulikuwa kitangaala,

Kubanga Yakuwa y’alibeera ekitangaala eky’olubeerera gy’oli,+

Era Katonda wo alibeera bulungi bwo.+

20 Enjuba yo teriddamu kugwa,

N’omwezi gwo tegulivaawo,

Kubanga Yakuwa y’alibeera ekitangaala eky’olubeerera gy’oli,+

Era ennaku z’okukungubaga kwo ziriba zikomye.+

21 Abantu bo bonna baliba batuukirivu;

Ensi eno eriba yaabwe emirembe n’emirembe.

Abo ze ndokwa ze nnasimba,

Gwe mulimu gw’emikono gyange,+ nsobole okulungiyizibwa.+

22 Omutono alifuuka lukumi,

Era oyo anyoomebwa alifuuka ggwanga ery’amaanyi.