Zabbuli
Oluyimba. Zabbuli y’abaana ba Koola.+
48 Yakuwa mukulu era agwanira nnyo okutenderezebwa
Mu kibuga kya Katonda waffe, ku lusozi lwe olutukuvu.
2 Olusozi Sayuuni oluli ebukiikakkono
Lulabika bulungi mu bugulumivu bwalwo, era lye ssanyu ly’ensi yonna,+
Kye kibuga kya Kabaka ow’Ekitiibwa.+
3 Mu bigo byakyo,
Katonda alaze nga bw’ali ekiddukiro.+
4 Laba! bakabaka bakuŋŋaanye;
Bagendera wamu.
5 Bwe baakiraba ne bawuniikirira.
Baakubwa encukwe ne badduka.
6 Baakankanira eyo,
Baafuna obulumi ng’obw’omukazi azaala.
7 Omenyaamenya ebyombo by’e Talusiisi ng’okozesa embuyaga ey’ebuvanjuba.
8 Bye twawulira kaakano tubirabye
Mu kibuga kya Yakuwa ow’eggye, mu kibuga kya Katonda waffe.
Katonda talikkiriza kibuga ekyo kusagaasagana emirembe gyonna.+ (Seera)
9 Ai Katonda, tufumiitiriza ku kwagala kwo okutajjulukuka,+
Nga tuli mu yeekaalu yo.
10 Ai Katonda, erinnya lyo n’ettendo lyo
Bituukira ddala ensi gy’ekoma.+
Omukono gwo ogwa ddyo gujjudde obutuukirivu.+
13 Mulowooze ku bigo byakyo.*+
Mulambule eminaala gyakyo,
Musobole okubibuulirako emirembe egiriddawo.