“Mudhowenave kala ovwelana mwauzimu”
RUMIWI Paulo atoonga ira Makristau awu Efeso tanoofwanela dhowanave “lolelangana mwaudhivela, dhilimbi-edhanga narima othene kala ovwelana mokami-iwa na zimu ochena, vokala mwarendele oi uli ninga yomangelela yonivwelani-a.”—Aef. 4:2, 3.
“Vwelano,” wenuo unodhiveliwana i-yo unokhumela “mwazimu.” Vyevi vinothapulela vyo-arelavo vya kopolo yolaba basa ya Nlungu. Mbwenye ninga mwemo mwaongile Paulo, vwelana wi-u unofwanela dhowanave. N’nga mbaani unofuna irana vyevi? Mwaimbarimbari Kristau uliwethene unofwanela irana ikhundu “vodhowanave kala ovwelana mwazimu.”
Kathuulelani ifwanafwani-o ila: muthuulele mutu mwinango angauva-idheni karo ipya. N’nga mbaani unofuna kaana izo yoisamalela? Yowakhula cho-orucha. Akala nyo kamuisamalile pama karwiyo thitho itonongeya, kam’mombe landu mutu uuva-idheni karwiyo.
Mwandhila imbo-ive, angalive ira vwelana wi-u Waikristau chotuva yokhumela wa Nlungu, uliwethene wa-iyo utokaana izo yodhowanave thonyi-edha kalelo leli. Akala kanili varendele na bali venango rongola, ninofwanela dhifuka ira: ‘N’nga ndinodhilimbi-edha irana ikhundu yanga vodhowanave kala ovwelana mwazimu vomali-a mwasuo?’
‘MUDHILIMBI-EDHENGA IRA MUKALE OVWELANA’
Ninga mwemo mwaongile Paulo, hora dhinjinji ninofwanela dhilimbi-edha ira nidhowenave kala ovwelana mwazimu. Thitho vinoodha kala vyorucha maningi akala bali venango rongola utonisukwali-a. N’nga kala ovwelana unothapulela ira hora dhothene ninofwanela dhowa wamutuo matapanya yoruchiyo? Kai vyofuneeleya maningi. Mudhifuke ira: ‘N’nga ndairana vyevi ndinoira pama venango ndinaasimbwi-a mwasuo’? Hora dhinango yongo yapama kuu-iya mwasuo venango m’levelela mutuo.—San. 19:11; Mrk. 11:25.
Mudhifukenga ira, ‘N’nga ndadhowa wamutuo matapanya mwasuo, ndinoira pama venango ndinaasimbwi-a mwasuo?’
Ninga mwalembile Paulo, ninofwanela dhowanave “lolelana unango nafwee mwaudhivela.” (Aef. 4:2) Referesiya inango yatoonga ira madhu enala anooda thapuleliwa ira “awachela atu ninga moda muli aliwa.” Vyevi vinothapulela ira ninorumela abali naarongoli-u ira mbo-olongomana thitho odawa, ninga mwemo muli i-yo. Mwaimbarimbari i-yo ninaadhilimbi-edha ira ‘niware umutu upya.’ (Aef. 4:23, 24) Mbwenye kavali mutu unairena vyevi molongomana. (Aro. 3:23) Naidhiwa vyevi, vinodhakala vyo-orucha lolelana unango nafwee mwaudhivela, kala olevelela thitho “dhowanave kala ovwelana mwazimu.”
Nasukwali-iwa mbwenye i-yo mali-a mwasuo, rimani mwi-u ninodhowanave “kala ovwelana vokala mwarendele oi uli ninga yomangelela yonivwelani-a.” Madhu Aigiriki athapuleliwile ira “yomangelela yonivwelani-a” va Aefeso 4:3 atoothapuleliwa ira “gumani-a” va Akolose 2:19. Michira njolimba moi inogumani-a minokhu namakhuva. Mofwanafwana na vyevi, rendele na udhivela una i-yo mwaabali naarongoli-u unooda nikami-a ira nidhowenave kala ovwelana angalive ira kaninodhiveliwana vyongo vinoira aliwa.
Akala bali venango rongola utousukwali-ani venango uthakaleliwi-ani, mudhilimbi-edhe m’vwechecha mutuo thitho m’thonyi-edha tangaranga malo mokangana. (Ako. 3:12) Voi i-yo nili atu o-olongomana, nyo thitho mwatooroma sukwali-avo mutu mwinango. Thuulela vyevi unooda ukami-ani ira muire ikhundu inyu “vodhowanave kala ovwelana mwazimu.”