MURU OFUNJEDHA 49
N’nga Yohova unowakula malobelwanga?
“Munodha ndiitana thitho munodha lobela wa miyo thitho miyo ndinodha uvuruwanani.”—JER. 29:12.
NYUMBO 41 Mulungu Imvani Pemphero Langa
VINOFUNA I-YO FUNJEDHAa
1-2. N’nga chini inaniiri-e thuulelanga ira Yohova kanowakula malobelwi-u?
“USANGALALE namwasa oi Yohova unodha uva-a vinofuna rimaa.” (Sal. 37:4) Yen’na cholanyedha yosangalali-a maningi! N’nga ninodedi-edhela ira Yohova aniva-e vahora inolobela i-yo? Mwasiwa ngwan’ni ninofuka yofuka yei? Kathuulelani vifwanafwani-ovi. Rongola alobelanga ira avolowe xikola yolaleela vya Umwene. Mbwenye vatovira vyawa vinjinji a-anawakuliwe. Bali wa zombwe alobelanga wa Yohova ira am’mwili-e marendee malukulu ira am’labelenga phama pingoni, mbwenye kanoila. Anamabala talobelelanga mwaniwa ira adhowenave kala muimbarimbari, mbwenye mwanuo utosakula i-yachi m’lambela Yohova.
2 Vinooneya ira mwatovem’pha Yohova vyongo vinangovyee mbwenye fiyedha va e-ni kamunawakuliwe. Vyevi vinodha uiri-ani thuulelanga ira Yohova unowakula malobelo aatu enango a-kala inyu. Venango kabe, munooda thuulelanga ira mutodawi-avo yongo inangwee. Rongola mwinango dhinalee Janeceb atovivwavo ee-no. Liye na man’nee tatolobela ira tadhowe Beteli. Janece aongile ira: “Ndaroromela ira ndinoitaniwa dhowa Beteli va-anavire hora indendai.” Mbwenye banjali, kaliitaniwile thitho vyawa vinjinji vitovira. Rongolula aongile ira: “Ndatoosukwala maningi thitho vyatondidodomi-a. Ndanodhifuka ira, n’nga ndim’dawelen’ni Yohova? Ndikadhi ndilobelanga wa hora indendai ira ndidhowe Beteli. Mwasiwa ngwan’ni kanowakula lobelo langa?”
3. N’nga ninotapanyanin’ni muyofunjedha yei?
3 Hora dhinango ninoodanga kaikela akala Yohova unowakula malobelwi-u. Atu enango ororomeleya awale tanothuulela thitho e-no. (Yobo 30:20; Sal. 22:2; Habak. 1:2) N’nga chini inaukami-eni ira mwa-akaikelenga ira Yohova unodha wakula malobelwinyu? (Sal. 65:2) Ira niwakuleni yofuna yei, yoroma ninofwanela wakula vyofuka vyo-arelavi: (1) N’nga nidedi-edhenga ira Yohova adhaire vyoi a-vi? (2) N’nga Yohova unodedi-edhela ira niirengan’ni? (3) Mwasiwa ngwan’ni ninofwanela chinja vyongo vinango vinovepha i-yo?
N’NGA NIDEDI-EDHELENGA IRA YOHOVA ADHAIRE VYOI A-VI?
4. Movwelana na lemba la Jeremiya 29:12, n’nga Yohova unolanyedha ira unodha iran’ni?
4 Yohova utolanyedha ira unodha wakula malobelwi-u. (Muleri Jeremiya 29:12.) Nlungwi-u unodhiveliwana arumiwee ororomeleya thitho kanopwaza malobelwiwa. (Sal. 10:17; 37:28) Mbwenye vyevi, kavinothapulela ira unongoniva-a vyongo vyothene vinom’vepha i-yo. Ninofwanela dedi-edhela fiyedha muilambo ipya ira nidhawachele vyongo vinango vivephile i-yo.
5. N’nga Yohova unothuulelan’ni voakula malobelwi-u? Muongemo.
5 Yohova unowakula malobelwi-u movwelana na ifunelwee. (Esaya 55:8, 9) Ikundo inango choi vailamboi vanodha kala atu osangalala, ovwelana thitho ovwela utongee. Mbwenye Satana unoonga ira atu anosangalala tadhitonganga okene. (Maro. 3:1-5) Vofuna thonyi-edha ira vyaongile Satana pyonama, Yohova utorumeli-a ira atu tavitongenga okene. Utongi waatu utoromi-a nyarwa dhedho dhinogumanana i-yo malamboano. (Namal. 8:9) Ninoidhiwa ira Yohova kanamali-e nyarwa dhothene va e-ni. Aa-kale ira atoirana vyevi, atu enango tangaongilenga ira utongi waatu ngokami-a thitho unooda mali-a nyarwa dhaatu.
6. Mwasiwa ngwan’ni kaninofwanela kaikelanga ira hora dhothene Yohova unoira vyongo mwaudhivela na mwalongomano?
6 Malobelo anooda kala olandana, mbwenye Yohova unowakula mundhila dho-iyana. Mofwanafwani-a, mwene Ezekiya atoobulela marenda malukulu thitho atolobela wa Yohova ira am’mwili-e, thitho Yohova atom’mwili-a. (2 Mam. 20:1-6) Rumiwi Paulo atom’vepha Yohova ira “am’mwili-e munga tutunimwee,” venango ali marenda enangwee. Mbwenye Yohova kaamali-idhe nyarwee. (2 Akor. 12:7-9) Ifwanafwani-o ndi ya rumiwi Pedru na Yakobo. Othene enala tadedi-edhela phiwa na mwene Herodi. Pingo wanom’lobelela Pedru thitho vinooneya ira tanom’lobelela thitho Yakobo. Mbwenye Yakobo atoophiwa, Pedru atoothathuliwa mundhila yodabwi-a. (Mayir. 12:1-11) Ninooda dabwa ira, ‘N’nga mwasiwa ngwan’ni Yohova utom’vulumucha Pedru mbwenye i-yachi Yakobo ira aphiwe?’ Bibilya kalinoonga mwasee.c Inoidhiwa i-yo choi hora dhothene Yohova unoira vyongo “mwalongomano.” (Dotor. 32:4) Thitho ninoidhiwa ira liye anoosangalala na othene mwaambilala. (Apok. 21:14) Hora dhinango vyongo vya-adedi-edhela i-yo ndi vinoireya. Voi ninororomela ira hora dhothene Yohova unowakula malobelwi-u mwaudhivela thitho mwalongomano, kaninokaikela ndhila dhedho dhinowakulana liye malobelo.—Yobo 33:13.
7. N’nga ninofwanela rambelan’ni, n’nga mwasiwa ngwan’ni?
7 Ninofwanela rambela dhifwanafwani-edha naatu enango. Mofwanafwani-a, ninooda lobela wa Yohova ira anikami-e va vyongo vinango mbwenye vyongovyo a-ireya. Venango ninooda uvwa ira mutu mwinango utovepha ninga vyevyo thitho vinooneya ira Yohova utom’mwakula. Vyevi vyatom’mwireelavo rongola mwinango dhinalee Ana. Man’nee dhinalee Mateu, atoobulela marenda akhansa thitho liye anom’lobelela ira aile. Vahora yeniyo, vatookala arongola ambili oulula enao tabulela marenda akhansa. Ana atom’lobelela maningi man’nee thitho arongola ambilala. Arongolao tatoila mbwenye Mateu atookwa. Voroma, Ana athuulela ira Yohova unodha kami-a arongola ambilala ira taile. Akala vili e-no, n’nga mwasiwa ngwan’ni Nlungu kaawakunle lobelolee loi man’nee aile? Kaninaongeletu vyevyo vyaakami-idhe arongola ambilala ira taile. Mbwenye inoidhiwa i-yo choi Yohova utosaka-edha ndhila yoi amali-eletu nyarwa dhi-u dhothene thitho unofunechecha ira avenyathi-e afwee akwide.—Yobo 14:15.
8. (a) Movwelana na lemba la Esaya 43:2, n’nga Yohova unonikami-a a-vi? (b) N’nga lobela unanikami-e a-vi vilela nyarwa dhilukulu? (Muonele vidiyo yoi Pemphero Limatithandiza Kupirira.)
8 Yohova unodha dhowanave nikami-a hora dhothene. Liye ngu Babi-u waudhivela thitho kanosangalala aniona nirucheyanga. (Esaya 63:9) Mbwenye liye kanonibarela mu nyarwa dhothene dhinogumanana i-yo, dhedho dhili ninga mi-inje venango lumi la mulo. (Muleri Esaya 43:2.) Angalive ira vili ee-no, liye unonilanyedha ira unodha nikami-a “vira,” venango vilela vyongo ninga vyevi. Liye kanodha rumeli-a ira nyarwa dhiniimwanani-e dhowanave kala ororomeleya wa liye. Yohova unoniva-a thitho zimumwee ochena wenuo uli wakopolo ira unikami-e vilela. (Luka 11:13; Afil. 4:13) Ee-no, kaninokaikela ira ninodha kaana vyongo vyothene vinofuneela i-yo ira nivilele thitho kaleve ororomeleya wa liye.d
N’NGA YOHOVA UNODEDI-EDHA IRA NIIRENGAN’NI?
9. Movwelana na lemba la Yakobo 1:6, 7, mwasiwa ngwan’ni ninofwanela roromelanga ira Yohova unodha nikami-a?
9 Yohova unodedi-edhela ira nim’nyidelenga. (Aeb. 11:6) Hora dhinango nyarwa dhi-u dhinooda oneyanga ninga dhilukulu moi kaninaode vilela. Venango ninooda kaikelanga akala Yohova unonikami-a. Bibilya linonisikimizeli-a ira, na kopolo dha Nlungu, “ninooda gwela chi-i.” (Sal. 18:29) Malo mokaikelanga, ninofwanela lobelanga na iroromelo yothene ira avwe malobelwi-u.—Muleri Yakobo 1:6, 7.
10. Muonge ifwanafwani-o yothonyi-edha mwemo munairele nyo vyongo movwelana na malobelwinyu.
10 Yohova unodedi-edhela ira niirenga vyongo movwelana na malobelwi-u. Mofwanafwani-a, bali unooda m’vepha Yohova ira am’kami-e vevo vanom’vepha liye patarawee ira amafwanyeye vagumano wa gawo. N’nga Yohova unawakule a-vi lobeloli? Liye unooda m’kami-a baluo limba rima ira amam’mongena patarawee. Baluo unofwanela ira vyongo movwelana na lobeloleelo, vodhowa wa patarawee ma’mvepha. Venango unooda m’vepha patarawee moweli-edha weli-edha. Unooda thitho m’vepha fwee wabasani ira tachinjane hora yolaba basa. Hora dhinango unooda vepha ira a-ava-iwe kobiri va dambo la-alabile liye basa.
11. Mwasiwa ngwan’ni ninofuneela lobela moweli-edha weli-edha va nyarwa dhinangodhee?
11 Yohova unodedi-edha ira nilobelenga moweli-edha weli-edha nagumanangana nyarwa. (1 Atez. 5:17) Vyaongile Yesu, vinothonyi-edha ira kaninava-iweletu vahora yeniyene vivephile i-yovyo. (Luka 11:9) Ee-no kamutatile rima, mudhowenganave vepha kumela vathi varima thitho moweli-edha weli-edha. (Luka 18:1-7) Nalobelanga moweli-edha weli-edha ninom’thonyi-edha Yohova ira mwasuo ngofuneya maningi wa i-yo. Ninothonyi-edha thitho ira ninom’roromela maningi ira unonikami-a.
MWASIWA NGWAN’NI NINOFWANELA CHINJA VYONGO VINANGO VINOVEPHA I-YO?
12. (a) N’nga chofuka iivi inofwanela i-yo vifuka vamwasa wa vyevyo vinovepha i-yo, n’nga mwasiwa ngwan’ni? (b) N’nga malobelwi-u anathonyi-edhe a-vi ira ninom’lemeza Yohova? (Muone kwadru loi, “N’nga vinovepha miyo vinothonyi-edha ira ndinom’lemeza Yohova?”)
12 Akala vinovepha i-yo kavinoireya, ninofwanela vifuka vyofuka viraruvi. Yofuka yoroma choi, ‘N’nga vinovepha miyovi pyofwanelela?’ Hora dhinjinji atu anothuulela ira anoidhiwa vyevyo vili vyofwanelela waaliwa. Mbwenye vinovepha i-yo hora dhinango vinooda kala vyo-okami-a maningi. Nalobelelanga nyarwa inangoyee, vanooda kala ndhila yaphama yomali-edha nyarwa yo-iyana na yeniyo inovepha i-yo. Thitho vyongo vinango vinavephe i-yo vinooda kala vyo-iyana na mwemo munofuna Yohova. (1 Ju. 5:14) Mofwanafwani-a, Kathuulelani vya anamabala aaongile i-yo maromelou. Aliwa tatom’vepha Yohova ira mwaniuo adhowenave kala mwaudhivela. Mbwenye vyaphile aliwavyo vinooneya ira kavyali vyofwanelela. Yohova kanokanyi-edha mutu uliwethene ira am’lambelenga. Unofuna ira mutu uliwethene asakulenga ekene m’lambela thangani-avo thitho naa-imene. (Dotor. 10:12, 13; 30:19, 20) Malo mwavyevyo, anamabala anofwanela m’vepha Yohova ira aakami-e ira taafiyenga varimani taafunji-anga a-imiwa na ifunelo yoi tam’dhiveliwengana Yohova thitho kala vauxamwali olimba na liye.—Sang. 22:6; Aef. 6:4.
13. Movwelana na lemba la Aebere 4:16, n’nga ndi vahora iivi inanikami-e Yohova? Muongemo.
13 Yofuka yanambili inofwanela i-yo dhifuka choi, ‘N’nga yen’na ndi hora yoi Yohova andiva-e vinovepha miyo?’ Venango ninooda funanga ira Yohova awakule malobelwi-u vahora yeniyene. Mbwenye imbarimbari choi, Yohova unoidhiwa hora yaphama yoi anikami-e. (Muleri Aebere 4:16.) Akala kaniva-iwile vahora ivephile i-yo venango ninooda onanga ira Yohova utokonda vivephile i-yovyo. Mbwenye venango vinodha kala ira utowakula ira: “Undidedi-e vang’ono.” Ifwanafwani-o vamwasa wen’na chabali wazombwe um’mongile i-yo maromelou. Liye atom’vepha Yohova ira am’muili-e. Aa-kale ira Yohova utom’muili-a modabwi-a, Satana angaongile ira Baluo unodhowanave m’lambela Yohova namwasa oi utom’muili-a. (Yobo 1:9-11; 2:4) Wenjedhela vevo, Yohova utosaka-edha hora yoi amali-e marenda othene vailambo yavathi. (Esaya 33:24; Apok. 21:3, 4) Ee-no, kaninodedi-edhela ira Yohova aili-enga atu modabwi-a maningi malamboano. Mbwenye baluo angam’vephile Yohova ira am’va-e kopolo, rendele warimani, avilele marendao thitho adhowenave m’lambela mororomeleya.—Sal. 29:11.
14. N’nga ninofunjedhavon’ni va vyevyo vyam’muireele Janice?
14 Kathuulelani vya Janice wenuo alobenle ira amalabenga va Beteli. Vatoovira vyawa 5 ira azindiyele ira Yohova utowakula malobelwee. Liye aongile ira: “Yohova atoo-indi-edha basa hora yen’na, vondifunji-a ira ndikale mutu waphama. Ndanofuneela ira ndim’roromelenga maningi Yohova. Ndanofuneela chinja mwemo mwafunjedhela miyo vamekene. Thitho ndanoofuna ira ndisangalalenga mo-obala mwemo mukalele vyongo vaingumi yanga.” Vangavirile hora, Janice na man’nee tatoova-iwa urumiwi wau namaing’anela isa. Vothuulela vyaireilevi liye aongile ira: “Yohova utowakula malobelwanga mundhila ya-adedi-edhela miyo. Vatoovira hora ira ndizindiye ira utondiwakula phama thitho ndinosangalala ira nditoona umboni oi Yohova ngwaudhivela na oriya rima.”
Akala munoona ira Yohova kawakunle lobelo linyu, muwesedhenga vepha vyongo vinango (Muone ndima 15)f
15. Mwasiwa ngwan’ni kaninofwanela onga movira kundu vyevyo vinofuna i-yo nalobelanga? (Muone thitho iruthiruthi.)
15 Yofuka yaneraru inofwanela i-yo dhifuka choi, ‘N’nga venango ndinofwanela chinja no lobelelanga vyongo vinango?’ Angalive ira hora dhinango ninooda onga mo-ovira kundu vyongo vinofuna i-yo, hora dhinango kaninofuneela onga mo-ovira kundu vinofuna i-yo ira Yohova aniva-e. Kathuulelani ifwanafwani-o ya sikana wenuo alobelela ira adhowe xikolani ya anamalaleya vya Umwene. Liye anoofuna volowa xikolali na ifunelo yoi amalaleele weo wafuneela anamalaleya anjinji. Mbwenye vyalobelela liye ira amavolowe muxikolali, Anofuneela thitho m’vepha Yohova ira am’kami-e kaana ngari yaurumiwi unango unaire liye. (Mayir. 16:9, 10) Ee-no afuneela ira vyongo movwelana na lobelolee, vofuka namaing’anela isa akala vatokala mipingo inango inofuneela anamalaleela anjinji. Venango kabe, angaodile lemba karta ira aidhiwe weo unofuneela anamalaleya vya Umwene anjinji.e
16. N’nga ninokala osikimizela vyan’ni?
16 Muyofunjedha yei nifunjedhileni ira ninooda sikimizela ira Yohova, unowakula malobelwi-u mwaudhivela thitho molongomana. (Sal. 4:3; Esaya 30:18) Hora dhinango kanawakule malobelwi-u mundhila inodedi-edhela i-yo. Yohova kanopwaza malobelwi-u. Liye unonidhiveliwana maningi thitho kanodha ni-iyachi navang’onovene. (Sal. 9:10) Ee-no, “mum’nyindelenga hora dhothene,” volobela wa liye kumela vathi varima.—Sal. 62:8.
NYUMBO 43 Pemphero Loyamikira Mulungu
a Yofunjedha yei, inonikami-a ira niroromelenga ira hora dhothene Yohova unowakula malobelwi-u mwaudhivela na mwalongomano.
b Madhina enango atochinjiwa.
c Muone mwasa wa muru oi “N’nga munororomela ira Yohova unoira vyongo mundhila yofwanelela?” mu Nsanja ya Namaing’anela ya Fevereiro wa 2022 ndima 3 fiyedha 6.
d Yohova unokami-a atu vilela vyowesedha. Ira muidhiwe vinjinji muonele vidiyo yava jw.org ya muru oi Pemphero Limatithandiza Kupirira.
e Akala munofuna matumikela ilambo inango, muone malangi-o enao anaukami-eni mubukhu la Gulu Lochita Chifuniro cha Yehova, muru 10, ndima 6-9.
f VIRUTHIRUTHI VYA: Arongola ambili talobelanga ira tamavolowe xikola ya anamalaleya vya Umwene. Rongola m’mbo-i aitaniwanga xikolanio, mbwenye mwinanguo kaaitaniwile. Malo mosukwala, rongola a-aitawiluo, am’vepha Yohova ira am’kami-e zindiyela ngari inango ya urumiwi. Alembelanga karta ofesi ya tambi na ifunelo yoi aidhiwe weo unofuneela anamalaleya anjinji a Umwene.