8 Na nsima alongwaki kuna akei na etúká ya ngombangomba na ɛsti ya Betele+ mpe atɛlɛmisaki hema na ye: Betele na wɛsti mpe Ai+ na ɛsti. Bongo atongelaki Yehova etumbelo+ kuna mpe abandaki kobelela nkombo ya Yehova.+

27 Na bongo, ayaki pene mpe apwɛpwaki ye, mpe ayokaki nsolo ya bilamba na ye.+ Mpe abandaki kopambola ye mpe koloba ete:

“Talá, nsolo ya mwana na ngai ezali lokola nsolo ya zamba oyo Yehova apamboli.

16 Bongo Yakobo alamukaki na mpɔngi na ye mpe alobaki ete: “Ya solo, Yehova azali na esika oyo, mpe ngai nayebaki yango te.”

23 Mpe ekólo nini na mabele ezali lokola bato na yo Yisraele,+ oyo Nzambe akendaki kosikola mpo na ye moko, mpo bázala bato na ye,+ mpo amipesa nkombo+ mpe asalela bango makambo minene mpe ya nsɔmɔ:+ kobengana bikólo ná banzambe na bango mpo na bato na yo, oyo osikolaki+ mpo na yo moko longwa na Ezipito?

6 Mpo na yango nde bato na ngai bakoyeba nkombo na ngai,+ ɛɛ mpo na yango, na mokolo yango, mpamba te nazali Moto oyo azali koloba.+ Talá! Ezali ngai.”

21 “Bongo talá nazali kosala ete bango báyeba; na ntango yango nakosala ete bango báyeba lobɔkɔ na ngai mpe nguya na ngai,+ mpe bakoyeba mpenza ete nkombo na ngai ezali Yehova.”+

20 yo nde otyaki bilembo mpe makamwisi na mokili ya Ezipito tii na mokolo ya lelo mpe na Yisraele mpe na kati ya bato,+ mpo omisalela nkombo ya lokumu, lokola na mokolo ya lelo.+