24 mpe mɔtɔ ebimaki liboso ya Yehova+ mpe ebandaki kozikisa likabo ya kotumba mpe biteni ya mafutamafuta likoló ya etumbelo. Ntango bato nyonso bamonaki yango, babandaki koganga+ mpe bakweaki bilongi na nse.

20 Bongo esalemaki boye: ntango lolemo ya mɔtɔ eutaki na etumbelo emati likoló, anzelu ya Yehova amataki na kati ya lolemo yango ya mɔtɔ ya etumbelo wana Manoa ná mwasi na ye bazalaki kotala.+ Na mbala moko, bakweaki na mabele, bilongi na nse.+

38 Bongo mɔtɔ+ ya Yehova ekitaki mpe elyaki likabo ya kotumba+ mpe nkoni mpe mabanga mpe putulu, mpe emɛlaki mai oyo ezalaki na kati ya talase.+

26 Na nsima, Davidi atongelaki Yehova etumbelo+ kuna mpe apesaki bambeka ya kotumba mpe bambeka ya boyokani, mpe abandaki kobelela Yehova,+ oyo ayanolaki ye sikoyo na nzela ya mɔtɔ+ oyo eutaki na likoló mpe ekitaki na etumbelo ya likabo ya kotumba.

7 Bongo ntango kaka Salomo asilisaki kobondela,+ mɔtɔ eutaki na likoló+ ekiti mpe ezikisaki likabo ya kotumba+ mpe bambeka, mpe nkembo ya Yehova+ etondaki na ndako yango.