Watchtower MIKANDA OYO EZALI NA INTERNET

Yosua 11:22

Biblia Libongoli ya Mokili ya Sika
- 22 Baanakime batikalaki lisusu te na mokili ya bana ya Yisraele. Kaka na Gaza,+ na Gate+ mpe na Ashedode+ nde batikalaki.+

1 Samwele 5:8

Biblia Libongoli ya Mokili ya Sika
- 8 Na yango, batindaki bato mpe bayanganisaki bankolo nyonso ya lisangani ya Bafilistia epai na bango mpe balobaki boye: “Tokosala nini na sanduku ya Nzambe ya Yisraele?” Nsukansuka, balobaki ete: “Sanduku ya Nzambe ya Yisraele eleka tii na Gate.”+ Bongo bamemaki sanduku ya Nzambe ya Yisraele tii kuna.

1 Samwele 17:4

Biblia Libongoli ya Mokili ya Sika
- 4 Mpe elombe moko mobundi abandaki kobima na bakaa ya Bafilistia, nkombo na ye Goliate,+ autaki na Gate,+ molai na ye ezalaki mapeko motoba bakisá zerete moko.+

1 Samwele 27:2

Biblia Libongoli ya Mokili ya Sika
- 2 Bongo Davidi atɛlɛmaki, mpe ye ná bato nkama motoba (600)+ oyo bazalaki elongo na ye bakatisaki epai ya Akishe+ mwana ya Maoke, mokonzi ya Gate.

1 Bakonzi 2:39

Biblia Libongoli ya Mokili ya Sika
- 39 Mpe esalemaki boye: na nsuka ya mbula misato, baombo+ mibale ya Shimei bakimaki epai ya Akishe+ mwana ya Maaka mokonzi ya Gate;+ mpe bato bayaki koyebisa Shimei ete: “Talá! Baombo na yo bazali na Gate.”

2 Bakonzi 12:17

Biblia Libongoli ya Mokili ya Sika
- 17 Na ntango yango nde Hazaele+ mokonzi ya Siri amataki mpe abundisaki Gate+ mpe azwaki yango; nsima na yango, Hazaele abalusaki elongi+ na ye mpo na komata mpe kobundisa Yerusaleme.+

Nzembo 56:maloba ya ebandeli ya loyembo-13

Biblia Libongoli ya Mokili ya Sika
- Epai ya mokambi ya nzembo mpo na Ebenga oyo efandi nyɛɛ na kati ya baoyo bazali mosika. Ya Davidi. Mikitame. Ntango Bafilistia bakangaki ye na Gate.+
  
  56 Ee Nzambe, moniselá ngai boboto, mpo moto—mowei mpamba—aswi ngai.+
  Azali kobunda mokolo mobimba, azali kaka konyokola ngai.+
  
  2 Banguna na ngai bazali kaka koswa ngai mokolo mobimba,+
  Mpo baoyo bazali kobunda na ngai na lofundo bazali mingi.+
  
  3 Ezala mokolo nini nakobanga, ngai, ɛɛ ngai, nakotyela yo motema.+
  
  4 Lokola nazali na bomoko na Nzambe, nakosanzola liloba na ye.+
  Natyeli Nzambe motema na ngai; nakobanga te.+
  Moto* akoki kosala ngai nini?+
  
  5 Mokolo mobimba bazali kaka kobebisa makambo na ngai;
  Makanisi nyonso na bango ezali mpo na kosala ngai mabe.+
  
  6 Bazali kobunda, bazali komibomba,+
  Bango, ɛɛ bango, bazali kaka kotala makolo na ngai,+
  Wana bazeli molimo na ngai.+
  
  7 Mpo na misala na bango oyo eyokisaka mpasi, bwaká bango.+
  Ee Nzambe, na nkanda na yo, kitisá bato ya bikólo.+
  
  8 Yo moko olobaki ete nazala moto oyo azali kokimakima.+
  Tyá mpisoli na ngai na kati ya molangi na yo ya mposo ya nyama.+
  Yango ezali na kati ya buku na yo te?+
  
  9 Na ntango yango banguna na ngai bakozonga nsima, na mokolo oyo nakobenga;+
  Nayebi yango malamu, ete Nzambe azali mpo na ngai.+
  
  10 Lokola nazali na bomoko na Nzambe,+ nakosanzola liloba na ye;
  Lokola nazali na bomoko na Yehova, nakosanzola liloba na ye.+
  
  11 Natyeli Nzambe motema na ngai. Nakobanga te.+
  Moto ya mabele akoki kosala ngai nini?+
  
  12 Ee Nzambe, ezali na bilako oyo nasali epai na yo.+
  Nakopesa yo makabo ya botɔndi.+
  
  13 Mpo obikisi molimo na ngai na liwa+—
  Obikisi makolo na ngai ebɛta libaku te,+ boye te?—
  Mpo natambola epai na epai liboso ya Nzambe na kati ya pole ya baoyo bazali na bomoi.+