• Nzembo 60:maloba ya ebandeli ya loyembo-12
    Biblia Libongoli ya Mokili ya Sika

    • Epai ya mokambi ya nzembo mpo na Fololo lísi ya Bokundoli. Mikitame. Ya Davidi. Mpo na koteya.+ Ntango abundaki na Arame-naharaime ná Arame-Zoba, mpe Yoabe azongaki mpe abɛtaki Edome na Lobwaku ya Mungwa, ɛɛ bato nkóto zomi na mibale (12  000).+

      60 Ee Nzambe, obwaki biso, opanzi biso,+

      Osiliki. Osengeli kozongisa biso.+

       2 Oningisi mabele, opasoli yango.+

      Bikisá madusu na yango, mpo esili kotengatenga.+

       3 Omonisi bato na yo mpasi.+

      Omɛlisi biso vinyo oyo ezali kopesa biso kizunguzungu.+

       4 Opesi baoyo bazali kobanga yo elembo+

      Mpo bákima litimbo nyokanyoka. Sela.

       5 Mpo bato oyo olingaka bábikisama,+

      Ee bikisá na lobɔkɔ na yo ya mobali mpe yanolá biso.+

       6 Nzambe ye moko alobi na kati ya bosantu na ye+ ete:

      “Nakosepela makasi, nakopesa Shekeme ezala likabo;+

      Mpe nakomeka bonene ya lobwaku ya patatalu ya Sukote.+

       7 Gileade ezali ya ngai mpe Manase ezali ya ngai,+

      Mpe Efraime ezali ndako ya makasi ya nkumu na ngai;

      Yuda ezali lingenda na ngai ya komanda.+

       8 Moabe ezali nzungu na ngai ya kosukola.+

      Nakobwakela Edome sandale na ngai.+

      Nakoganga ete nalongi Filistia.”+

       9 Nani akomema ngai na engumba oyo ezingami?+

      Nani akokamba ngai mpenza kino na Edome?+

      10 Ee Nzambe, yo moto obwaki biso+

      Mpe yo Nzambe na biso ozali kobima te elongo na mampinga na biso, boye te?+

      11 Sungá biso tólongwa na mpasi,+

      Mpo lobiko oyo euti na moto ya mabele ezali mpamba.+

      12 Tokozwa nguya ya bomoi oyo euti na Nzambe,+

      Mpe ye moko akonyata banguna na biso.+