2 Mpe azalaki na mwana mobali moko, nkombo na ye Saulo,+ azalaki elenge mpe kitoko, mpe mobali moko te na bana ya Yisraele alekaki ye na kitoko; banda na mapeka tii likoló, alekaki bato nyonso na molai.+

11 Mpe esalemaki boye: ntango bato nyonso oyo bayebaki ye liboso bamonaki ye, talá! azali kosakola elongo na basakoli. Na yango, bato balobanaki ete: “Likambo nini ekómeli mwana ya Kishe? Saulo azalaka mpe moko ya basakoli?”+

15 Na yango, bato nyonso ya ekólo bakendaki na Gilgale, mpe kuna, batyaki Saulo mokonzi liboso ya Yehova, na Gilgale. Na nsima, bapesaki bambeka ya boyokani kuna, liboso ya Yehova,+ mpe kuna, Saulo ná mibali nyonso ya Yisraele bakobaki kosepela makasi mpenza.+

47 Mpe Saulo azwaki bokonzi na Yisraele+ mpe akendaki kobunda na banguna na ye nyonso epai na epai, abundaki na Moabe,+ bana ya Amone,+ Edome,+ bakonzi ya Soba+ mpe Bafilistia;+ mpe esika nyonso oyo azalaki kobaluka, azalaki kopesa bango bitumbu.+

23 mpo botomboki+ ezali ndenge moko na lisumu ya kosakola makambo oyo ebombaná,+ mpe kokende liboso na lofundo ezali ndenge moko na kosala makambo ya maji mpe kosambela bikeko.*+ Lokola oboyi liloba ya Yehova,+ ye mpe aboyi yo ozala mokonzi.”+