• 1 Bakonzi 8:63
    Biblia Libongoli ya Mokili ya Sika

    • 63 Mpe Salomo apesaki bambeka ya boyokani+ oyo asengelaki kopesa Yehova: ngɔmbɛ nkóto ntuku mibale na mibale (22 000) mpe mpate nkóto nkama moko na ntuku mibale (120 000),+ mpo mokonzi ná bana nyonso ya Yisraele báfungola+ ndako ya Yehova.

  • Nzembo 30:maloba ya ebandeli ya loyembo-12
    Biblia Libongoli ya Mokili ya Sika

    • Mondule. Loyembo ya molulu ya bofungoli ndako.+ Ya Davidi.

      30 Ee Yehova, nakokumisa yo mpo omatisi ngai+

      Mpe otiki te ete banguna na ngai básepela mpo na ngai.+

       2 Ee Yehova Nzambe na ngai, nalelelaki yo mpo na kosɛnga lisalisi, mpe obikisaki ngai.+

       3 Ee Yehova, obimisi molimo na ngai na Nkunda;*+

      Obateli ngai na bomoi, mpo nakita na libulu te.+

       4 Ee bino bato na ye ya sembo, bóbɛtɛla Yehova mondule,+

      Bópesa matɔndi na ekaniseli na ye mosantu;+

       5 Mpo nkanda oyo ayokelaka moto ezalaka mpo na mwa ntango,+

      Soki asepeli na moto ezali mpo na bomoi mobimba.+

      Na mpokwa kolela ekoki kofanda epai na biso,+ kasi na ntɔngɔ, koganga ya esengo.+

       6 Kasi ntango ngai nazalaki na kimya nalobaki ete:+

      “Nakotengatenga soki moke te.”+

       7 Ee Yehova, lokola osepeli na ngai, otɛlɛmisi ngomba na ngai na bokasi.+

      Obombaki elongi na yo; nabulunganaki.+

       8 Nazalaki kaka kobelela yo, Ee Yehova;+

      Mpe nazalaki kaka kolɔmba Yehova amonisela ngai boboto.+

       9 Litomba nini ezali na makila na ngai awa nazali kokita na libulu?+

      Putulu ekokumisa nde yo?+ Yango ekoyebisa nde bosolo na yo?+

      10 Ee Yehova, yoká mpe moniselá ngai boboto.+

      Ee Yehova, zalá mosungi na ngai.+

      11 Obongoli mawa na ngai mabina;+

      Ofungoli ngɔtɔ na ngai, mpe okangi loketo na ngai na esengo,+

      12 Mpo nkembo na ngai ebɛtɛla yo mondule mpe efanda nyɛɛ te.+

      Ee Yehova Nzambe na ngai, nakokumisa yo mpo na ntango oyo etyami ndelo te.+