Nzembo

142 Na mongongo na ngai, nabelelaka Yehova mpo na kosɛnga lisalisi;+

Na mongongo na ngai, nabondelaka Yehova mpo amonisela ngai boboto.

 2 Nasopaka motungisi na ngai liboso na ye;

Nayebisaka ye mpasi na ngai+

 3 Ntango elimo* na ngai elɛmbaki na kati na ngai.

Na nzela oyo nazali kotambola,

Babombeli ngai motambo.

 4 Talá na lobɔkɔ na ngai ya mobali mpe moná

Ete moto moko te azali kotyela ngai likebi.*+

Nazali na esika ya kokima te;+

Moto moko te azali komitungisa mpo na ngai.*

Nalobi ete: “Ozali esika na ngai ya kokima,+

Nyonso nazali na yango na mokili ya bato ya bomoi.”

 6 Tyá likebi na koganga na ngai mpo na kosɛnga lisalisi,

Mpo natungisami makasi mpenza.

Bikisá ngai na banyokoli na ngai,+

Mpo bazali makasi mingi koleka ngai.

 7 Bimisá ngai na kasho

Mpo nasanzola nkombo na yo.

Bato ya sembo báyangana zingazinga na ngai

Mpo osaleli ngai makambo na boboto.