Loyembo 158

Bomoko na biso ya boklisto

(Baefese 4:13)

1. Ɛ Yehova, Tata na biso,

Opesi biso bomoko.

Klisto ayaki mpo tosikwama,

Mpe koteya biso solo.

Mpo na ye nde toyangani

Banso kati na lisangá.

Mpe tosali libota ya bandeko

Kino mokili ya sika.

2. Nini Nzamb’asɛngi na biso

Na nzela ya Mwana na ye?

Misala mp’etamboli na biso

Endimam’epai na Nzambe.

Misala mabe, totika.

Mbuma y’elimo, tólóna.

Tómipesa biso mpenza n’esengo;

Tokomekola Yehova.

3. Tal’ebongiseli ya Nzambe!

Tobatelami na yango.

Soki tondimi solo ya Nzambe,

Tokozala na bomoko.

Nini Nzamb’asɛngi biso?

Tómonisaka bosembo,

Boboto, mpe na kobota mbuma bɛɛ,

Tótambola na bopɔlɔ.