Likambo moko oyo tosengeli kokanisaka

LIKAMBO nini? Liwa ya moto moko oyo akufá eleki sikoyo pene na mbula 2 000. Moto yango alobaki boye: “Nazali kokaba molimo na ngai, mpo nazwa yango lisusu. Moto moko te abɔtɔli ngai yango, kasi nazali kokaba yango na likanisi na ngai moko.” (Yoane 10:17, 18) Moto yango ezali Yesu Klisto.

Yesu atindaki bayekoli na ye básalaka Ekaniseli ya mokolo oyo akufaki mpo na kopesa bomoi na ye lokola mbeka. Molulu yango ebengamaka mpe “Bolei ya mpokwa ya Nkolo,” to “Elambo ya Nkolo.” (1 Bakolinti 11:20; haut fleuve) Batatoli ya Yehova mpe baninga na bango bakosala Ekaniseli yango oyo Yesu abandisaki mpo na kokanisa liwa na ye mokolo ya minei 24 Marsi 2005, nsima ya kolala ya moi.

Lisukulu moko ekolimbola ntina oyo basalelaka limpa oyo batyá levire te mpe vinyo ya motane na ekaniseli yango. (Matai 26:26-28) Lisukulu yango ekopesa mpe biyano na mituna lokola oyo: Baklisto basengeli kokanisaka likambo yango mbala boni? Banani bakoki kolya limpa mpe komɛla vinyo? Liwa ya Yesu ezali kopesa banani matomba? Moto nyonso oyo akoyangana na likita yango ya ntina akoyeba mpo na nini Yesu ayaki awa na mabelé mpe mpo na nini akufaki.

Tozali kobenga yo na esengo mpenza na Ekaniseli ya liwa ya Yesu. Tolendisi yo otuna Batatoli ya Yehova ya kartye na bino mpo oyeba esika oyo Ekaniseli yango ekosalema mpe ngonga oyo ekobanda.

www.watchtower.org