Nimero ya boyekoli

NTINA YA MASOLO YA BOYEKOLI

MASOLO YA BOYEKOLI 1, 2 NKASA 3-12

Masolo oyo emonisi ntina mpenza oyo tosengeli kolanda toli ya Biblia mpo na libala. Masolo yango ekobakisa botɔndi na yo mpo na likabo ya libala. Longola yango, emonisi ntina oyo tosengeli kolɛmba nzoto te ntango libala ezali na mikakatano mpe emonisi ndenge oyo kosalela toli ya Biblia ekoki kosalisa mpo na kozala na libala ya esengo.

LISOLO YA BOYEKOLI 3 NKASA 17-21

Lisolo oyo elobeli makambo oyo emonisi ete Yehova azali Nkolo-ntango. Boyekoli na yango ekolendisa kondima na biso epai na ye mpe na Liloba na ye Biblia. Ekolendisa mpe ekateli na biso ya kosalela malamu ntango na biso wana tozali kozela na kondima nyonso lobiko ya Yehova.

LISOLO YA BOYEKOLI 4 NKASA 23-27

Atako tolingaka Nzambe, tozali bato ya kozanga kokoka. Atako bongo, tozalaka na mposa ya kongɛngisa nkembo ya Yehova. Lisolo oyo emonisi ndenge oyo tokoki kosala yango. Emonisi nini tosengeli kosala mpo na komekola Nzambe mpe kosepelisa ye. (Ef. 5:1) Emonisi mpe ndenge oyo tokoki kokoba kopesa ya nkembo.