Mayebisi

◼ Lipesi ya Febwali: Mwa babuku. Marsi: Okoki kozala na bomoi ya seko na mabele oyo ekobongwana paradis. Aprili: Okoki kozala na bomoi ya seko na mabele oyo ekobongwana paradis mpe mwa babuku. Mai: Les Saintes Écritures​—⁠Traduction du monde nouveau elongo na mokanda La Bible: Parole de Dieu ou des hommes? Yuni: Moto oyo alekaki bato nyonso kino lelo.

◼ Masangá bakozwa bibongiseli malamu mpo na Ekaniseli oyo ekosalema na mbula oyo na mwamitano 14 Aprili nsima na kolala ya moi. Atako ezali malamu ete lisangá moko na moko esala ekaniseli na esika na yango moko, kasi likoki ya kosala bongo ezalaka ntango nyonso te. Epai kuna masangá mosusu basalelaka Ndako ya Bokonzi bobele moko mpo na makita, ekoki kozala malamu ete lisangá moko to masangá mosusu bákende kosala Ekaniseli na bisika mosusu na mpokwa ya mokolo wana. Ekaniseli esengeli te kobanda wana ngonga epusani mingi mpamba te yango ekoki kolɛmbisa bato ya sika. Lisusu, ezali malamu te ete ngonga elandana mpenza pene na boye ete ntango ekozanga liboso mpe nsima ya Ekaniseli mpo na kopesa mbote na bapaya, na komonisa na bamoko kati na bango mposa tozali na yango ya kopesa bango lisungi ya elimo to mpe kosala ete bayangani nyonso bázanga ntango ya kolendisana kati na bango. Nsima ya kotalela malamumalamu makambo nyonso, bankulutu basengeli kozwa ekateli ya bibongiseli oyo bisengeli kokamatama mpo na kopesa nzela na baoyo nyonso bakoyangana na Ekaniseli ete bázwa matomba na molulu yango.

◼ Lisukulu ya sipesiale oyo ebongisami mpo na eleko ya Ekaniseli ekosalema kati na mokili mobimba na mokolo mwalomingo 23 Aprili 1995. Motó ya likambo na yango ekozala “Nsuka ya mangomba ya lokuta ebɛlɛmi.” Tokotinda plan ya lisukulu yango. Masangá oyo bakoyamba mokɛngɛli ya zongazonga, to oyo bakozala na liyangani ya zongazonga, to liyangani ya mokolo moko ya ntina kati na pɔsɔ wana bakoyoka lisukulu ya sipesiale na pɔsɔ oyo ekolanda. Lisangá moko te lipesameli nzela ya kosala lisukulu yango liboso ya 23 Aprili.

◼ Mituya ya mosolo ya masangá nyonso esengeli kotalelama, soki likoki ezali, nsima ya 1 Marsi.

◼ Mokomeli ya lisangá mpe mokɛngɛli mpo na mosala ya kosakola bakotalela mosala ya babongisi-nzela ya sanza na sanza. Soki basusu kati na bango bazali na mokakatano ya kokokisa bangonga na bango, bankulutu bakosala na boye ete bápesa bango lisungi.

◼ Basakoli oyo bazali kosepela kozala babongisi-nzela basungi na Marsi mpe na Aprili, basengeli komibongisa uta sikawa mpe kotondisa lokasa ya lisɛngi na bango nokinoki. Yango ekopesa nzela na bankulutu ete bákamata bibongiseli ya malamu mpo na mosala ya kosakola mpe kolɛngɛla ete bózala na mikanda mikoki mpo na mosala yango.