Biyano na mituna na bino

◼ Esengeli kosala nini soki mobongisi-nzela moko apesi zulunalo to mokanda epai ya mosakoli moko?

¹ Toyebi ete mikanda wana mipesameli biso na la Société na kozongisáká mwa likabo moke. Mpo na biso, tózala babongisi-nzela to basakoli, topesaka yango na bato ya libándá na lisalisi ya mwa likabo ya bolingo malamu. Lisusu, babongisi-nzela basombaka yango na ntalo oyo ezali mpenza na nse ya ntalo oyo bato ya libándá basombaka yango.

² Soki totali malamu, ntina ezali te ete mobongisi-nzela “akabola” mokanda ya la Société epai na mosakoli moko, mpamba te, bango nyonso bakoki kosomba yango kati na lisangá na bango. Nzokande, ekoki kokóma ete mobongisi-nzela moko apesi zulunalo to mokanda epai na mosakoli moko. Soki ekómi bongo, ezali na ndenge mibale oyo bokoki kosala mpo na kokokisa tarif: to mosakoli akozongisela mobongisi-nzela mokanda na ye, to mobongisi-nzela akozongisa na lisangá mbongo oyo elekaki likoló. Mpamba te, mbongo oyo ezali likoló kati na tarif ya basakoli mpe ya babongisi-nzela ezali ya la Société, nde la Société apesá ndingisa na babongisi-nzela ete bázwaka yango bobele mpo na mikanda oyo ekabolami epai na bato ya libándá​—Talá Mosala ya Bokonzi ya Desɛmbɛ 1978, lokasa 3, na lisolo “Makambo matali ba pionniers!”