Mayebisi

◼ Mikanda oyo tokolakisa na Sɛtɛmbɛ: La vie: Comment est-elle apparue? Évolution ou création? Ɔkɔtɔbɛ: Linɔ́ngi ya Mosɛnzɛli mpe Lamuká! Kobanda na nsuka ya sanza oyo, tokobanda kokabola Nsango ya Bokonzi No. 36. Novɛmbɛ: Tokolanda kokabola Nsango ya Bokonzi No. 36. Masangá oyo basilisi kokabola Nsango ya Bokonzi yango na teritware na bango, bakoki kolakisa mwa buku Azali kosɛnga to buku Boyebi. Soki bato bazali na mikanda yango bakoki ata kolakisa buku Okoki kozala na bomoi ya seko to buku Création. Desɛmbɛ: Buku Boyebi oyo ezali komema na bomoi ya seko mpe Biblia Traduction du monde nouveau.

◼ Bankulutu basengeli kobosana te malako oyo ezali na Linɔ́ngi ya Mosɛnzɛli ya 15 Aprili 1991, oyo etali moto nyonso oyo abimisamaki na lisangá to moto nyonso oyo amilongolaki ye moko, kasi azali na mposa ya kozonga na lisangá.

◼ Biro ekondima te komande oyo mosakoli moko atindi mpo na mikanda na ye moko. Mokɛngɛli-mokambi akokeba ete liyebisi epesamaka sanza na sanza liboso ete lisangá etinda komande na yango ya mikanda na biro. Yango ekosalisa baoyo nyonso bazali na mposa ya kozwa mikanda mpo na bango moko ete bákoka koyebisa yango na ndeko oyo azali kotalela mikanda. Bóbosana te mikanda nini oyo ezali na molɔngɔ ya articles sur demande spéciale.

◼ Mokɛngɛli-mokambi to ndeko mosusu oyo ye akopona akotalela kɔnti ya lisangá na mokolo ya 1 Sɛtɛmbɛ to mwa moke nsima. Nsima ya kotalela kɔnti, basengeli koyebisa yango na lisangá ntango bakotánga lapolo ya mbala ya nsima.

◼ Lokola masolo oyo ekobima na bazulunalo na biso na basanza oyo ezali koya ezali mpenza na ntina mingi, bakobakisela masangá nyonso bazulunalo (20 %). Bakobakisa motango ya bazulunalo oyo: Linɔ́ngi ya Mosɛnzɛli ya 1 Ɔkɔtɔbɛ mpe 15 Ɔkɔtɔbɛ 2000 mpe Lamuká! ya 22 Ɔkɔtɔbɛ 2000 (na Lifalanse).

◼ Betele ezali na mposa makasi ya bandeko oyo bayebi misala ya kobongisa mituka, kura, tiyo ya mai, mpe basofɛlɛ, mingimingi basofɛlɛ ya mituka ya minene. Tozali kosɛnga na bandeko nyonso oyo bayebi misala yango bámipesa lokola basali ya bolingo malamu. Komite ya mosala ya lisangá na bango nde ekotinda mokanda na nkombo na bango.​—Nz. 110:3; Yis. 6:8.

◼ Mikanda oyo tozali na yango:

Kiluba, Kipende, Lingala, Monokutuba, Tshiluba: Nzambe azali kosɛnga nini epai na biso?

◼ Mikanda ya sika oyo tozali na yango:

Kituba, Lomongo: Sepela na bomoi ya seko na Mabele!

Kinande, Kituba: Bomoi ya kimya na mokili ya sika (T-15); Elikya nini ezali mpo na balingami na biso oyo bakufá? (T-16).

Lifalanse: Yehova—Azali nani? (T-23).