Manaka mpo na likita ya mosala

LIYEBISI: Na sanza ya Yuli tii na sanza ya Augusto, Mosala na biso ya Bokonzi ekozala na programɛ ya likita ya mosala kaka ndenge ezalaka pɔsɔ na pɔsɔ. Masangá ekoki kobongisa programɛ na bango ya makita na kotalela pɔsɔ oyo bakozala na liyangani ya etúká “Basakoli ya Bokonzi ya molende.” Soki yango ebongi, bósalela miniti 15 na Likita ya Mosala oyo ya nsuka liboso bókende na liyangani mpo na kolobela toli oyo ezali na siplema ya sanza oyo. Na boumeli ya sanza ya Ɔkɔtɔbɛ, ekozala na programɛ mobimba ya Likita ya Mosala oyo ekobongisama mpo na kozongela makanisi ya ntina oyo tokoyoka na liyangani. Mpo na komibongisa na lisolo yango, biso nyonso tosengeli kozwa mwa banɔti na makambo ya ntina oyo ekolobama na liyangani, tokoki mpe kokoma makambo ya ntina oyo toyoki mpe tolingi kosalela yango na bomoi na biso mpe na mosala ya kosakola. Na nsima, tokoki kolimbola ndenge oyo tosalelaki makambo yango banda liyangani esilaki. Mokomoko na biso akolendisama na bamosusu ntango akoyoka bango bazali komonisa ndenge oyo bazwaki litomba na mateya malamu oyo epesamaki na liyangani.

Pɔsɔ ebandi na 13 Mai

Loyembo 37

Min. 15: Mayebisi ya lisangá. Lobelá makambo etali lisangá oyo ezali na Mosala na biso ya Bokonzi. Salelá makanisi oyo ezali na lokasa 8 mpo na kobongisa bilakiseli mibale oyo ekomonisa ndenge ya kolakisa Linɔ́ngi ya Mosɛnzɛli ya 15 Mai mpe Lamuká! ya 22 Mai. Na elakiseli mokomoko, monisá lolenge moko ya kopesa eyano soki moto alobi ete “Nazali na mosala.”​—Talá buku Comment raisonner, lokasa 19 tii 20.

Min. 15: “Ntango ya kolendisana mpenza.” Lisukulu. Pesá bandeko mposa ya kokende na liyangani ya etúká. Lendisá bandeko nyonso bázala na liyangani yango mobimba, kobanda mokolo ya mitano na ntɔngɔ tii mokolo ya lomingo nsima ya nzanga.

Min. 15: “‘Tólanda ntango nyonso oyo ezali malamu.’”a Monisá ete tosengeli kotosa bibongiseli oyo ezwami mpo na bolamu na biso na likambo etali kopesa bandeko bisika ya kolala. Lobelá malamumalamu makanisi misato oyo ezali na paragrafe 2. Limbolá mpo na nini etamboli malamu ya mokomoko na biso ezali na ntina mingi.

Loyembo 115 mpe libondeli ya nsuka.

Pɔsɔ ebandi na 20 Mai

Loyembo 13

Min. 15: Mayebisi ya lisangá. Lapolo ya kɔnti. Tángá Biyano na mituna na bino.

Min. 12: “Kokisá mposa na yo ya elimo.” Lisukulu mpe lisolo elongo na bayangani. Lobelá bantina oyo biso nyonso tosengeli kolanda na likebi mpenza programɛ mobimba ya liyangani ya etúká. Monisá ete tosengeli kosalela makambo oyo tokoyoka kuna, tósuka kaka te na koyoka. Lobelá liyebisi oyo ezali awa likoló mpo na Likita ya Mosala oyo ekobongisama na sanza ya Ɔkɔtɔbɛ, ntango tokozongela makanisi ya ntina ya liyangani ya etúká. Lendisá bato nyonso bázwa banɔti na liyangani. Sɛngá bandeko bálobela na mokuse matomba oyo bazwaki na liyangani ya etúká ya mbula oyo euti koleka.

Min. 18: “Molato mpe ndenge na biso ya kobongisa nzoto ezala ya mindɔndɔ te.”b Ekosalema na nkulutu moko, akotánga paragrafe mokomoko nsima ya kotalela yango elongo na bayangani. Salisá bandeko nyonso báyeba ntina oyo tosengeli kokeba na molato na biso mpe lolenge na biso ya kobongisa nzoto na ntango tozali kotambola na miso ya bato.

Loyembo 169 mpe libondeli ya nsuka.

Pɔsɔ ebandi na 27 Mai

Loyembo 208

Min. 12: Mayebisi ya lisangá. Yebisá basakoli bápesa lapolo ya mosala ya kosakola ya sanza ya Mai. Salelá makanisi oyo ezali na lokasa 8 mpe sɛngá mosakoli moko oyo azali mobange asala elakiseli mpo na komonisa ndenge ya kolakisa Linɔ́ngi ya Mosɛnzɛli ya 1 Yuni mpe mosakoli moko oyo azali elenge asala elakiseli mpo na komonisa ndenge ya kolakisa Lamuká! ya 8 Yuni. Nsima ya elakiseli mokomoko, monisá ete ezali mpasi te mpo na kotánga vɛrsɛ moko ntango tozali kolakisa bazulunalo.

Min. 15: “Teritware ya lisangá na bino eleki monene?” Lisukulu mpe lisolo elongo na bayangani, ekosalema na mokɛngɛli na mosala ya kosakola. (Masangá oyo teritware na yango ezali monene te bakoki kozongela lisolo “Salelá ntango na yo malamu,” oyo ezali na Mosala na biso ya Bokonzi ya Yuni 1999.) Lobelá bonene ya teritware ya lisangá na bino mpe monisá ndenge bosakolaki na teritware yango na mbula oyo euti koleka. Limbolá ndenge nini lisangá na bino ekoki kosalela makanisi oyo epesami. Lobelá lisusu nini bozali kokana kosala na mwa mikolo oyo ezali koya mpo bósakola na bisika nyonso ya teritware na bino epai bosakolaka mingimingi te.

Min. 18: “Ozali kosalela mwa buku Azali kosɛnga mpo na kobanda koyekola na bato?” (Mpo na lisolo oyo, bandeko nyonso basengeli kozala na siplema ya Mosala na biso ya Bokonzi ya Yanuali 2002) Mpo na kobanda, sɛngá mosakoli moko asala elakiseli oyo abongisi malamu mpenza, oyo ekomonisa ndenge ya kobanda koyekola na moto na kolanda ndakisa ya paragrafe 3. Na nsima, lobelá makambo ya ntina oyo ezali na kati ya mwa buku yango, mpe limbolá ndenge nini mwa buku yango ebongi mpenza mpo na kobanda koyekola na bato. Monisá ntina ya kozongelaka makanisi mpo na ndenge ya kobanda masolo oyo ezali na siplema ya Yanuali 2002. Tuná bayangani báyebisa makanisi nini basalelaki mpe ebotaki mbuma malamu. Mpo na kosukisa, zongelá elakiseli yango.

Loyembo 93 mpe libondeli ya nsuka.

Pɔsɔ ebandi na 3 Yuni

Loyembo 178

Min. 15: Mayebisi ya lisangá. Yebisá na basakoli mosusu bámibongisa mpo na koyebisa matomba nini bazwaki ntango basalaki mosala ya mobongisi-nzela mosungi to mpe mosala ya mobongisi-nzela ya sanza na sanza, na sanza ya Marsi, ya Aprili, to ya Mai.

Min. 15: Lolenge oyo buku Comment raisonner esalelaka mabongoli mosusu ya Biblia. Lisukulu ya mokuse mpe na nsima lisolo elongo na bayangani. Tángá paragrafe 1 na lokasa 8 ya buku Comment raisonner, mpe limbolá mpo na nini mpe ndenge nini tosengeli kosalelaka Biblia mbala na mbala na mosala ya kosakola. Lobelá liste ya bibengeli ya mokuse (abréviations) ya mabongoli ya Biblia oyo ezali na lokasa 6, mpe limbolá mpo na nini tosalelaka maloba to bavɛrsɛ mosusu na ndenge oyo ezali na mabongoli mosusu ya Biblia. Lobelá makebisi oyo ezali na Linɔ́ngi ya Mosɛnzɛli ya 1 Ɔkɔtɔbɛ 1997, lokasa 16, paragrafe 2, mpe na lokasa 20, paragrafe 15. Salelá mitó ya makambo “Succession apostolique,” “Images” mpe “Trinité” oyo ezali na buku Comment raisonner, mpe sɛngá na bayangani bámonisa ndenge oyo kokokanisa mabongoli mingi ya Biblia ekoki kozala na litomba mingi ntango tozali koteya mateya ya solo.

Min. 15: “Kondima na biso etindaka biso tósala misala malamu.”c Ntango bozali kolobela paragrafe 2, tuná motatoli moko ya molende mwa mituna. Tuná ye ayebisa ndenge oyo koteya bato mosusu emonisaka kondima na ye mpe ekómisaka yango makasi.

Loyembo 56 mpe libondeli ya nsuka.

[Maloba na nse ya lokasa]