Mayebisi

◼ Mikanda oyo tokokabola na sanza ya Yanuali: Biblia eteyaka mpenza nini? Tokosala makasi mpo na kobanda koyekola na bato Biblia kaka na mbala ya liboso oyo tokutani na bango. Soki bato yango bazali na buku Biblia eteyaka kasi baboyi koyekola Biblia, tokoki kopesa bango zulunalo moko ya kala to mwa buku nyonso mosusu oyo tomoni ete ekosalisa bango.

◼ Mokɛngɛli ya zone akoya kotala filiale na biso kobanda mwa 8 tii mwa 19 Aprili 2012.

◼ Molulu ya bofungoli bandako ya Betele oyo ebongisami mpe oyo etongami sika ekosalema na mwa 26 tii mwa 27 Mai 2012. Lokola bisika ya kofanda ekozala mingi te, kaka bato oyo bakozwa lokasa ya libyangi nde bakoki koya na molulu yango. Bandeko oyo bakobengama bakoyeba yango liboso.

◼ Kobanda na Febwali, bakɛngɛli ya zongazonga bakosala diskur ya bato nyonso oyo ezali na motó ya likambo “Otyelaka Yehova motema?”

◼ Kobanda na nimero ya 1 Febwali 2012, Linɔ́ngi ya Mosɛnzɛli ya bato nyonso ekobanda kozala mpe na lisolo oyo elobi “Mateya ya Biblia mpo na bana.” Lisolo yango ebongisami mpo baboti básalelaka yango mpo na koteya bana na bango ya mike ya mbula misato tii na nse; lisolo yango ekobanda kobima moko nsima ya mosusu elongo na masolo “Teyá bana na yo” mpe “Mpo na bilenge.”