“Nayei kotala bino mpo . . .”

Ntango moto tokei kotala afungoli porte mpe amoni biso, mbala mosusu akoki komituna soki tozali banani mpe mpo na nini toyei epai na ye. Tokoki koloba nini mpo na kokitisa ye motema? Nsima ya kopesa mbote ndenge esalemaka epai na bango, basakoli mosusu basalelaka liloba “mpo” mpo bámonisa ntina ya boyei na bango. Na ndakisa, bakoki koloba boye: “Toyei kotala bino mpo bato mingi ya kartye na biso bazali komitungisa mpo na mobulu. Okanisi ete . . .” to “Nayei epai na bino mpo nalakisa yo ndenge toyekolaka na bato Biblia ofele.” Soki kaka na ebandeli mpenza toyebisi moto oyo tozali kosolola na ye mpo na nini toyei epai na ye, ekoki kosala ete atya likebi na makambo tolingi koyebisa ye.