09-15/06

MAKAMBO YA MOTUYA NA LILOBA YA NZAMBE

Moyisraele moko ná mwasi na ye bazali kolya limpa ya mpamba na kati ya ndako na bango ya mindɔndɔ te. — Moyisraele moko ná mwasi na ye bazali kolya limpa ya mpamba mpe bazali na kimya

1. Batelá kimya na libala na yo

(Min. 10)

Esɛngaka kosala milende mpo na kobatela kimya, kasi milende yango ebotaka mbuma malamu (Mas 17:1; talá elilingi)

Boyá kolandelaka makambo ya mikemike (Mas 17:9; g 9/14 11 par. 2)

Yebá kopekisa mayoki na yo (Mas 17:14; w08 1/5 10 par. 6–11 par. 1)

Babalani moko ya ntango ya kala oyo bazali na bozwi kasi na esengo te, bafandi liboso ya bilei ebele ya kitoko. Bango mibale bakangi mabɔkɔ, mpe mwasi aboyi kotala mobali na ye ntango azali koloba.

2. Biloko ya motuya ya elimo

(Min. 10)

Mas 17:24—Na ndenge nini “miso ya zoba etambolatambolaka tii na bansuka ya mabele”? (it-2 432 par. 8)

Eyano na yo
Biloko nini ya motuya ya elimo oyo ozwi na botángi ya Biblia ya pɔsɔ oyo, okosepela kolobela?

Eyano na yo

3. Botángi ya Biblia

(Min. 4) Mas 17:1-17 (th liteya 10)

OMIPESA NA MOSALA YA KOSAKOLA

4. Ndenge ya kobanda lisolo

(Min. 3) LlTATOLI YA LIBAKU MALAMU. (lmd liteya 3 pwɛ 5)

5. Ndenge ya kobanda lisolo

(Min. 4) NA BISIKA YA BATO NYONSO. Yebisá moto ete olingi koyekola na ye Biblia. (lmd liteya 6 pwɛ 4)

6. Diskur

(Min. 5) ijwbv lisolo 60—Motó ya likambo: Masese 17:17 elimboli nini? (th liteya 13)

BOMOI YA BAKRISTO

7. Bósalaka makambo oyo ekosala ete bósololaka malamu na libota

(Min. 15) Lisolo na bayangani.

Kosolola malamu nde esalaka ete libota ezala na esengo. Bato ya libota oyo basololaka polele bakokisaka mikano mosusu elongo mpe basalisanaka na ntango ya mpasi. (Mas 15:22) Makambo nini bokoki kosala mpo bósololaka polele na libota?

Bólekisaka ntango elongo. (Mib 6:6, 7) Libota oyo bato na yango basalaka makambo mosusu mpe makambo ya elimo elongo, mpe baminanolaka elongo, balinganaka makasi mpe batyelanaka motema. Bazwaka mpe mabaku malamu mpo na kosolola. Na bantango mosusu, ekoki kosɛnga otya bamposa na yo pembeni mpo bósala makambo oyo bato ya libota basepeli kosala, kasi komonisa bolingo ndenge wana ekobimisa matomba mpenza! (Flp 2:3, 4) Ndenge nini bokoki kosalela malamu mpenza ntango oyo bozali kolekisa elongo?—Ef 5:15, 16.

Elilingi ya video “Landá nzela oyo epesaka kimya na libota—⁠Sololáká malamu.” Libota moko ezali kolya elongo.

Lakisá VIDEO Landá nzela oyo epesaka kimya na libota—Sololáká malamu. Na nsima tuná bayangani boye:

Kosalela telefone na ndenge ya mabe ekoki kosala nini na libota?

Eyano na yo
Na video yango, liteya nini mosusu ozwi na oyo etali kosolola malamu?

Eyano na yo

Yokáká na likebi. (Yak 1:19) Mbala mingi, bana babimisaka makambo oyo ezali na motema na bango soki bayebi ete baboti bakomitya na esika na bango to bakosambisa bango te. Na yango, saláká makasi osilika te soki mwana ayebisi yo likambo moko oyo etungisi yo. (Mas 17:27) Kasi, meká komitya na esika na ye. Saláká makasi okanga ntina ya makanisi mpe mayoki na ye mpo oyeba kokitisa ye motema to kosalisa ye na ndenge ekomonisa ete olingaka ye.

8. Boyekoli ya Biblia na lisangá

(Min. 30) bt mok. 27 par. 19-22, etanda na lok. 212