Salelá “likabo [na yo] ya elimo”

Biso nyonso tosepelaka ndenge tolendisanaka ntango tozali elongo na bandeko na biso bakristo. Kasi, malendisi yango esuki kaka te na kozala elongo. Biblia elobi ete likoki na biso ya kolendisa kondima ya basusu ezali “likabo ya elimo.” (Rom. 1:​11, 12) Ndenge nini tokoki kosalela likabo yango malamu mpenza?

Lendisáká basusu na maloba na yo. Na ndakisa na makita, tokoki kopesa biyano oyo ebendi likebi epai na biso moko te, kasi epai ya Yehova, Liloba na ye, to basaleli na ye. Ntango tozali kosolola na bandeko na biso bakristo, tokoki kopona kolobela makambo oyo elendisaka.

Lendisáká basusu na bikateli mpe misala na yo. Na ndakisa, bandeko mosusu baponi kokoba na mosala ya ntango nyonso atako bazali na mikakatano. Basusu bayanganaka na makita ya kati ya pɔsɔ mbala na mbala atako bazalaka na makambo mingi ya kosala to bazali na maladi oyo eumeli.

Obimisaka maloba oyo emonisi kondima mpo na kolendisa bandeko na yo? Yo mpe ondimaka makabo ya elimo oyo basusu bapesi yo?