Ndenge nini okoki koyika mpiko na makambo ya mpasi oyo etondi na mokili?
Ozali nde komona lokola ete ozali kokutana na makambo ya mpasi koleka ndenge ezalaki liboso? Ozali kokutana na moko ya makambo ya mpasi oyo ezali awa na nse?
bitumba
bamaladi mabe
makama oyo ebimaka yango moko
bobola
kokanisela basusu mabe
mobulu
Soki likama moko esalemi, bato oyo bakutani na likama yango bayokaka mpasi mingi mpe bazangaka elikya. Bato mosusu kutu basilaka mpenza mayele. Kasi, ntango tokutani na likama moko, koyoka mpasi na boumeli ya ntango molai mpe komitungisa koleka ndelo ebebisaka nde makambo.
Ntango okutani na mikakatano, osengeli kosala makasi obatela bato oyo olingaka mingi, sante na yo, bomoi na yo, mpe esengo na yo mpo ezali na motuya mingi.
Okoki kosala nini mpo omibatela na makambo oyo mikakatano ya mokili oyo ezali kobimisa?