Maloba ya ebandeli

Ozali komitungisa ndenge ntalo ya biloko ezali se komata? Ozali kosala mosala makasi mpenza mpe bangonga mingi kaka mpo na kozwa biloko ya kobikela? Ozalaka na ntango mingi te ya kolekisa elongo na baninga mpe bato ya libota na yo? Soki ezali bongo, yebá ete masolo oyo ezali na Lamuká! oyo ekoki kosalisa yo. Epesi makanisi oyo ekosalisa yo ozala mpenza na esengo mpe omitungisaka mingi te. Lisolo ya nsuka epesi elikya ya solosolo mpo na bomoi ya malamu koleka na mikolo ezali koya, elikya yango ekoki kobɔndisa yo uta sikoyo.