Loyembo 132

Bóbatela mitema na bino

(Masese 4:23)

1. Bóbatela nde mitema,

Bino, bana’a Nzambe.

Bólanda toli bokozwa

Na Liloba na ye.

Misala mikomonisa

Mabánzo na bino.

Bóbatela makanisi

Mp’elimo na bino.

2. Mpo bóbatela mitema,

Bóbondela Nzambe;

Bóyeba nkaká na bino;

Mpe bólikya na ye.

Tokozwa mayele kati

Na mibeko na ye,

Mpe tokosala elongo

Na libota na ye.

3. Ntango inso, tókanisa

Makambo na solo,

Ya malamu, ya lokumu

Na miso na Nkolo.

Bongo, tokomibatela

Mpe tokozwa kimya.

Bósembolaka mitema,

Bóbatel’elikya.