ETENI 1 Bozongeli

Bilaka nini ya Biblia mpo na mikolo ezali koya esepelisaka yo?

Mpo na nini ondimaka ete Biblia ezali Liloba ya Nzambe?

Mpo na nini ezali na ntina kobenga Yehova na nkombo na ye?

Biblia elobi ete Nzambe azali “liziba ya bomoi.” (Nzembo 36:9) Ondimi yango?

Tángá Masese 3:32.

• Mpo na nini Yehova azali moninga oyo aleki malamu?

• Yehova alingi ete baninga na ye bázala bato ya ndenge nini? Okanisi ete tokokoka mpenza kosala makambo oyo Yehova asɛngi biso?

  (Talá Liteya 07 mpe 08.)

Tángá Nzembo 62:8.

• Makambo nini osɛngá Yehova na libondeli? Makambo nini mosusu okoki kobondela mpo na yango?

• Ndenge nini Yehova ayanolaka na mabondeli?

  (Talá Liteya 09.)

Tángá Baebre 10:24, 25.

• Bolamu nini okoki kozwa na makita ya Batatoli ya Yehova?

• Okanisi ete ezali na ntina koyanganaka na makita?

  (Talá Liteya 10.)

Mpo na nini ezali malamu kotánga Biblia mokolo na mokolo? Programɛ na yo ya kotánga Biblia mokolo na mokolo ezali ndenge nini?

Nini esepelisi yo mingi na boyekoli na yo ya Biblia?

Banda obandi koyekola Biblia, mikakatano nini okutani na yango? Nini ekoki kosalisa yo okoba koyekola?